Estaos d'Alemaña

De Wikipedia

Alemaña ye una república federal compuesta de 16 estaos, nomaos Länder n'alemán, en singular Land. Como tamién significa nesa llingua "país", emplégase más davezu el términu Bundesländer (estaos de la federación), porque ye más específicu. Trés de los estaos son ciudaes-estáu, mientres que los otros 13 son Flächenländer (estaos d'área).

El términu "Bundesland" pue asemeyar qu'implique una subordinación del términu Länder al federal Bund, pero eso nun s'espeya asina na autonomía de los Länder nes rellaciones internacionales. La pallabra correuta, usada tamién na Grundgesetz ye, poro, Länder.

Esta diferencia ye importante, yá que depués de la Segunda Guerra Mundial, los Länder de la parte oeste de l'antiguu Tercer Reich constituyéronse primero como árees alministratives, y darréu federáronse nel Bund o República Federal d'Alemaña. Esti procedimientu ye opuestu al que depués de la guerra va asoceder n'Austria onde, primero se crearía'l Bund y llueu-y siguiríen los estaos como unidaes del sistema federal. N'Austria los estaos tamién se llamen Länder na so constitución.

Estaos[editar | editar la fonte]

Cada Land ta representáu a nivel federal nel Bundesrat (Cámara alta).

Los 16 Bundesländer (estaos) d'Alemaña

Los 16 Länder, con referencia a los nomes del mapa de la derecha son:

  1. Bandera de Baden-Württemberg Baden-Württemberg
  2. Bandera de Baviera Estáu llibre de Baviera (Freistaat Bayern)
  3. Berlín Estáu de Berlín (Berlin)
  4. Brandenburg Brandemburgu (Brandenburg)
  5. Bremen Ciudá llibre hanseática de Bremen (Freie Hansestadt Bremen)
  6. Hamburg Ciudá llibre y hanseática d'Hamburgu (Freie und Hansestadt Hamburg)
  7. Hessen Hessen
  8. Mecklemburgu-Pomerania Occidental Mecklemburgu-Pomerania Occidental (Mecklenburg-Vorpommern)
  9. Baxa Saxonia Baxa Saxonia (Niedersachsen)
  10. Renania del Norte-Westfalia Renania del Norte-Westfalia (Nordrhein-Westfalen)
  11. Renania-Palatináu Renania-Palatináu (Rheinland-Pfalz)
  12. Saarland Saarland
  13. Saxonia Estáu llibre de Saxonia (Freistaat Sachsen)
  14. Saxonia-Anhalt Saxonia-Anhalt (Sachsen-Anhalt)
  15. Schleswig-Holstein Schleswig-Holstein
  16. Turinxa Estáu llibre de Turinxa (Freistaat Thüringen)

La descripción d'"estáu llibre" (Freistaat) emplégase namái que por razones históriques. Llegalmente, un Freistaat nun ye diferente de los otros estaos.

Primero de la Rexunificación alemana de 1990, l'Alemaña Occidental consistía en dos estaos, mientres que l'Alemaña Oriental nel 1952 reorganiza'l so territoriu en 15 distritos alministrativos. Depués de la rexunificación del 3 d'octubre de 1990, 14 d'estos distritos pasaron a formar 5 Länder: Mecklemburg-Pomerania Occidental, Brandenburgu, Saxonia-Anhalt, Turinxa y Saxonia, tal como yera en 1952. L'antiguu distritu de Berlín (este), amestóse cola parte oest pa formar l'actual Estáu de Berlín.

Ver tamién[editar | editar la fonte]