Enclín axal

Enclín axal
	Teoría científica
	distancia angular

N'Astronomía, nómase enclín axal o oblicuidá de la eclíptica (tamién davezu, como oblicuidá cenciellamente) al enclín que presenta l'exe de rotación de la Tierra respeutu a la normal del planu de la Eclíptica. Tamién ye l'ángulu que formen el planu del Ecuador terrestre col planu de la Eclíptica.

El so valir ye de 23,5°, magar que nun ye constante debío al movimientu terrestre de Nutación. Foi midíu per primer vegada por Eratóstenes. Debíu a esti enclín, prodúcensen les estaciones.

Dambos planos, del Ecuador y la Eclíptica, táyense nel Puntu Aries. Cuando'l Sol ta ehí produzse l'entamu de la primavera nel Hemisferiu Norte y l'aniciu de la seronda nel Hemisferiu Sur.

Pal restu los planetes, l'ángulu que formen el planu del ecuador y el planu de la órbita nómase enclín axal (del exe) y ye'l responsable de les estaciones en talos planetes.

El casu más notable ye Marte aú l'enclín (25,19°) ye abondo asemeyáu al de la Tierra, y como l'añu ye'l doble de llargo fai estaciones el dobre de llargues que na Tierra. El tayu dambos planos siñala'l Puntu Vernal del planeta o l'entamu de la primavera nel Hemisferiu Norte Marcianu. Titán tamién parez tener estaciones.

*Eclíptica ya inclinación del exe de rotación de la Tierra respeutu a ella.*

Referencies[editar | editar la fonte]

Enllaces esternos[editar | editar la fonte]

Wikimedia Commons tien conteníu multimedia tocante a Enclín axal.