Constelación

Constelación
Parte de	Esfera celeste

Una constelación ye un ensame ente estrelles. El so allugamientu nel cielu nocherniegu ye aparentemente tan cercanu, que les civilizaciones antigües coneutáronles per aciu de llinies imaxinaries, debuxando figures sobro la bóveda celeste. Nel espaciu tridimensional, les estrelles nun tan polo xeneral, físicamente asociaes; davezu alcuéntrense a cientos d'años lluz unes d'otres. Per otru llau, los grupos asociaos son arbitrarios dafechu, darréu que cultures desemeyaes, rellacionaren constelaciones desemeyaes, inclusive usando les mesmes estrelles.

Dalgunes constelaciones son más antigües qu'otres, yá que foren criaes hai munchos sieglos polos pueblos que moraben nes rexones d'Oriente mediu y el Mediterraneu. Otres, por contra, tuvieren el so orixe en tiempos recientes, cuando los viaxes a otros llugares ficieron al home aportar a llendes nueves y descubrir, por exemplu los mares del sur. (Ha d'esclariase nesti puntu, que los pueblos que vivíen nes rexones australes yá teníen puestu nome a les sos propies constelaciones)

Por costume, les constelaciones tan separtaes en dos greyos, dependiendo l'hemisferiu nel que tean allugaes:

1. constelaciones septentrionales, les ubicaes al norte del ecuador celeste.
2. constelaciones australes, al sur.

A partir de 1928, la Unión Astronómica Internacional (UAI) decidió reagrupar oficialmente la esfera celeste en 88 constelaciones con llendes precises, de mou que tou puntu del cielu tuviere dientro de les llendes d'una figura. Enantes de 1928 reconocíense otres constelaciones menores que llueu cayeren nel escaezu. La llista final codificose en 1930.

Ver tamién

• Estrella
• Zodiacu

Enllaces esternos

• Wikimedia Commons tien conteníu multimedia tocante a Constelación.

• Datos: Q8928
• Multimedia: Constellations