Bandera de Yeme

Bandera de Yeme
Datos
Entidá	Yeme
Fecha d'adopción	22 de mayu de 1990 (33 años)
Proporción	3:2
Colores	bermeyu, blancu y negru
Elementos representaos	campo (es) (bermeyu, blancu, negru)

La bandera de Yeme foi adoptada'l 22 de mayu de 1990, día de la unificación de Yeme del Norte y Yeme del Sur.

El patrón de colores de colloráu, blancu y negru en franxes tamién tuvo presente nes banderes de Yeme del Norte y del Sur, símbolu panárabe, como son les banderes d'Exiptu, Siria ya Iraq, ente otros.

Según la descripción oficial, el colloráu representa el sangre de los mártires y l'unidá; el blancu pa un futuru brillosu; negru pal escuru pasáu.

Banderes históriques[editar | editar la fonte]

Primero que el Yeme fuera unificáu na actual república, taba estremáu en dos estaos. El Yeme del Norte utilizaba la bandera a la izquierda (la bandera del Reinu Mutawakkilita de Yeme), dende 1927 hasta 1962, cuando se convirtió na República Árabe de Yeme, qu'utilizaría una bandera similar a l'actual bandera de Yeme, sacante con una estrella verde nel centru de la franxa blanca.

La República Democrática Popular de Yeme o Yeme del Sur utilizaba una bandera con un triángulu azul celeste cerca'l mástil, con una estrella colorada. Ente que el diseñu del triángulu y estrella azul yera l'emblema del Partíu Socialista de Yeme, el diseñu global de la bandera yera aparentemente influyíu pola bandera de Cuba, dempués de la Revolución cubana de los años 1950 (Hendrikksen, 1982).