Albania caucásica
| Albania caucásica | |||
|---|---|---|---|
| |||
| Alministración | |||
| Tipu d'entidá | estáu desapaecíu | ||
| Capital |
Qabala, Kabalaka (en)  y Barda | ||
| Llingües oficiales |
albanés caucásico (es) armenio clásico (es) Idioma partu Idioma pahlavi | ||
| Xeografía | |||
| Coordenaes | 40°21′53″N 46°52′56″E / 40.36472°N 46.88222°E | ||
 | |||
| Demografía | |||
| Fundación | sieglu I edC | ||
 | |||
Albania (tamién Aghbania) yera'l nome d'un antiguu reinu que cubrió'l sur de l'actual República de Daguestán y gran parte d'Azerbaixán. Utilízase'l términu Albania caucásica pa evitar tracamundios cola actual Albania balcánica.
Historia[editar | editar la fonte]
El reinu de l'Albania caucásica foi fundáu a la fin del sieglu IV y empiezos del III e.C. La so capital foi primeramente Gabala allugada nel actual distritu de Qabala, enantes denominára-ylo como Kabalaka, Shabala y Tabala. Dempués d'un tiempu, sería treslladada al sur sobre l'actual territoriu de Barda sol nome de Partaw.
Dominación armenia[editar | editar la fonte]
Partes del reinu incluyendo la rexón d'Uti, sobre les veres del ríu Kura, y Artsakh, fueron conquistaes polos armenios procedentes del Urartu, mientres el sieglu II e.C.
Nel añu 66 e.C. dempués de la derrota del Rei armeniu Tigranes II contra los romanos, Armenia pierde gran parte del so territoriu. Esti acontecimientu foi aprovecháu polos albanos del Cáucasu pa recuperar les zones perdíes so la conquista armenia.
Invasión árabe y selyúcida[editar | editar la fonte]
Nel sieglu VII, el reinu foi invadíu polos árabes y como toles conquistes islámiques d'esi tiempu foi incluyíu al califatu. A partir del sieglu VIII, l'Albania caucásica esistió como los principaos de Aranshahs y Khachin, xunto a otros principaos iranínes y árabes tales como Shirvan y Derbent.
De resultes de la estensión de los selchucos (turcos) sobre'l territoriu actual d'Azerbaixán mientres el sieglu XI, la población indíxena albana foi asimilada. Los albanos cumplieron un rol significativu na etnogénesis de los actuales azerbaixanos.
Población[editar | editar la fonte]
Les antigües tribus qu'habitaron Albania caucásica fueron los ávaros del Cáucasu, los sabiros, los caspios, los uties, ente otros. Según Estrabón el númberu de les tribus de Aghbania algamaba les 26, caúna col so propiu idioma.
Relixón[editar | editar la fonte]
Albania foi unu de los primeros países n'adoptar el cristianismu, alredor del sieglu IV, cuando la Ilesia apostólica albana foi fundada.
Referencies[editar | editar la fonte]
Enllaces esternos[editar | editar la fonte]
Datos: Q177076
Multimedia: Caucasian Albania