Acrocephalus scirpaceus

Acrocephalus scirpaceus; carricera
Estáu de caltenimientu
	; Esmolición menor (IUCN)
Clasificación científica
Reinu:	Animalia
Filu:	Chordata
Clas:	Aves
Orde:	Passeriformes
Familia:	Sylviidae
Xéneru:	Acrocephalus
Especie:	A. scirpaceus; Herman, 1804
Distribución
Consultes
	[editar datos en Wikidata]

Soníu

Cantar de la carricera.

¿Problemes al reproducir esti ficheru?

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu. La carricera^[1] (Acrocephalus scirpaceus) ye una ave de la familia Sylvidae, de 13 cm de llargor y unos 12 g de pesu, con mantu de tonos marrones monótonos, ceya y partes inferiores de color crema y ala apuntiada. A güeyu ye bien mala d'estremar de A. palustris y de A. dumetorum. Sicasí, na mano o escuchando'l so cantar son fácilmente estremables naquellos llugares onde les sos árees de distribución asolápense.

Añera preferentemente en cañaverales (Phragmites australis) a veres de llagos, ríos y canales magar que tamién puen faelo na vexetación axacente, como en salgueres, blimales, etc. Aliméntase d'inseutos y les sos canesbes, arañes y dacuando de granes, frutos y flores. Cría de mayu a agostu n'Europa y d'abril a xunetu n'África. Monógames, añeren formando agregaos por cuenta de la distribución de les cañaveres. Los ñeros, construyíos cuasi puramente poles femes con fueyes ya inflorescencies cortaes de cañavera y otres yerbes, consisten nuna copa fonda d'unos 6 cm de diámetru que se topen suspendíos por dellos tarmos de cañavera sobre agües pocu fondes. La fema pon 4 güevos que guaren dambos proxenitores mientres pocu más de 10 díes. Los pollos independícense 15 díes dempués d'abandonar el nial.

Ye una ave migradora que tien los sos cuarteles d'iviernu nel África subsaḥariana. Los adultos empiecen a abandonar les árees de cría a finales de xunetu, primero que los xuveniles. La mayor parte de les poblaciones migren a finales d'agostu, estendiéndose'l pasu hasta principios d'ochobre.

Nun s'atopa globalmente amenazada, siendo común en tola so área de distribución. La población europea envalórase nunos 4 millones de pareyes, con más de mediu millón de pareyes en Suecia, país onde más abonda. Na península ibérica les poblaciones menguaron nos últimos años por cuenta de la perda d'hábitat.

Subespecies[editar | editar la fonte]

Acrocephalus scirpaceus scirpaceus ocupa la zona más occidental de la distribución de la especie: Europa hasta Crimea y norte d'África.
Acrocephalus scirpaceus fuscus ocupa la zona más oriental de la distribución: Xipre, Asia Menor hasta'l noroeste de China.

Bibliografía[editar | editar la fonte]

Bruun, Bertel; Arthur Singer (1979). The Hamlyn guide to birds of Britain and Europe, Traducíu por José Fortes Fortes, Omega. ISBN 84-282-0242-7.

Dyrcz, A (2006). «Family Sylviidae (Old World warblers)», Handbook of the birds of the world (n'inglés). Lynx Edicions, páx. 620:621. ISBN 84-96553-06-X.

Harrison, Colin (1977). A field guide to the nests, eggs and nestlings of European birds with North Africa and the Middle East, Traducíu por Jaume Xampeny, Omega. ISBN 84-282-0473-X.

Heinzel, Hermann; Richard Fitter and John Parslow (1981). The birds of Britain and Europe with North Africa and the Middle East, Traducíu por Jaime Xampeny, Omega. ISBN 84-282-0424-1.

Enllaces esternos[editar | editar la fonte]

Sistema Integráu d'Información Taxonómica. «Acrocephalus scirpaceus (TSN 558429)» (inglés).

Referencies[editar | editar la fonte]

↑ URL de la referencia: http://sabencia.net.

Wikimedia Commons tien conteníu multimedia tocante a Acrocephalus scirpaceus.

[4934725d85d9d5cd0160d36d4aca91fdc687df50-1] URL de la referencia: http://sabencia.net.

[1]