Abreviatura

Abreviatura
fenómeno lingüístico (es)
símbolu y derivative (en)

L'abreviatura ye una convención ortográfica qu'encurtia la escritura de ciertu términu o espresión, y consiste na representación escrita d'una pallabra o grupu de pallabres con namái una o delles de les sos lletres. Pa creala, emplégase la lletra inicial, mayúscula o minúscula, por sí sola o acompañada d'otres lletres, yá seyan del mediu o del fin de la pallabra, y unu o dellos puntos qu'indiquen que la pallabra ta incompleta. Dizse entós d'ella que ta escrita abreviadamente.

Tipos d'abreviatura

Cualquier pallabra pue embrivise, polo que suel estremase ente abreviatures «personales» (les que cualesquier falante particular xenera pal usu propiu na so escritura privao) y «convencionales» (aquelles reconocíes y emplegaes comúnmente polos usuarios d'una llingua). Por cuenta d'esta facultá del escritor aveza a ser una norma d'estilu que les abreviatures particulares o les d'usu específicu seyan recoyíes nun glosariu de primeres o al final de la obra (especialmente cuando esta ye estensa y tien formatu de llibru).

Dientro de les abreviatures convencionales, unes son d'usu xeneral y otres úsense en contestos particulares, como ye'l casu, por casu, de les abreviatures qu'un autor emplega dientro d'un llibru y que tienen de recoyese de primeres o a la fin de la obra nuna llista esplicativa.

L'abreviatura ha ser eficaz y, por esti motivu, tien de suprimir siquier dos lletres de la pallabra embrivida, magar qu'heba exemplos espublizaos nos que namái se desanicia una.

L'usu de les abreviatures convencionales nun ye llibre, sinón que ta llindáu a ciertos contestos y sometíu a ciertes regles; asina, polo xeneral, nun puen usase les abreviatures en cualquier llugar del testu: «De sópitu, miré a la dcha. y vilos xuntos.» Les abreviatures de tratamientos namái han d'emplegase cuando anteceden al nome propiu (Sr. Tresguerres, D.ª Xosefa, etc.).

Exemplos

• sriu. / secretariu.
• e.C. / enantes de Cristu
• d.C. / dempués de Cristu
• primeru, primer (apocopáu), primera / 1ᵘ, 1er, 1ª
• trixésimuquintu / 35ᵘ
• nᵘ / númberu.
• esq. / esquierda.
• der. / derecha.
• av. / avenida.
• Ud. / usté.
• ex. / exemplu.
• abrev. / abreviatura, embrivíu.
• ax. / axetivu.
• cía. / compañía.
• Dr. / doctor

• Sra. / señora
• Sr. / señor
• col. / colonia
• atte. / atentamente

Referencies

• Datos: Q102786
• Multimedia: Abbreviation