Diferencies ente revisiones de «Cheroqui»

De Wikipedia
Contenido eliminado Contenido añadido
m correiciones
Sin resumen de edición
Llinia 1: Llinia 1:
[[Archivu:Cherokeenationalflag.png|thumb|right|Bandera de la ''Cherokee Nation''.]]
[[Archivu:Flag of the Cherokee Nation.svg|thumb|right|Bandera de la ''Cherokee Nation''.]]
[[Archivu:Eastern Band Cherokee Flag.svg|thumb|right|Bandera de la ''Eastern Band Cherokee''.]]
[[Archivu:Eastern Band Cherokee Flag.svg|thumb|right|Bandera de la ''Eastern Band Cherokee''.]]
[[Archivu:UKBflag (bordered).png|thumb|right|Bandera de la ''United Keetoowah Band of Cherokee Indians''.]]
[[Archivu:UKBflag (bordered).png|thumb|right|Bandera de la ''United Keetoowah Band of Cherokee Indians''.]]

Revisión a fecha de 20:06 7 avi 2015

Bandera de la Cherokee Nation.
Bandera de la Eastern Band Cherokee.
Bandera de la United Keetoowah Band of Cherokee Indians.

Los chéroqui (inglés: Chérokee; chéroqui: ah-nin-yv-wi-yá) son los indíxenes de Norteamérica qu'habitaben el territoriu actual de los estaos d'Alabama, Xeorxa, Kentucky, Carolina del Norte, Carolina del Sur, Tennessee y Virxinia nel sudeste de los Estaos Xuníos cuando los europeos contautaron con ellos nel sieglu XVI. Con posterioridá, la mayoría de los chéroquis fueron forzaos a treslladase al Pandu Ozark (Oklahoma). Los chéroquis yeren unu de los pueblos que s'arrexuntaben nes "Cinco Tribus Civilizaes".

Llinguaxe y escritura

El términu chéroqui pue debese n'orixe al términu en llingua chéroqui tsalagi (pronunciáu yá-la-gui o chá-la-gui). Ésti pudo ser afechu fonéticamente al dialeutu barranqueñu, por Hernando de Soto que yera estremeñu) como chálaque, dempués al francés como chéraqui, y depués al inglés como chérokee, volviendo de nuevu al asturianu, al traviés del castellán, como chéroqui.

El términu chéroqui tsálagi ye frutu del intercambiu llingüísticu colos choctaw. Procede del vocablu choctaw chálaki, que quier dicir "los que viven nos montes" o "los que viven nes cueves". El nome que los chéroquis usaben orixinalmente pa ellos mesmos ye ahniyvwiya ("los humanos"); la mayoría de les tribus natives americanes tienen un nome pa sigo mesmes que quier dicir aprosimao esto. Sicasí, los actuales chéroqui llámense a sigo mesmos (tsálagi).

L'idioma chéroqui ye una llingua iroquesa polisintética y escríbese por medio d'un silabariu inventáu por Sequoyah. Mientres años munchos falantes qu'emplegaben el chéroqui per Internet faíenlo trescribiéndolo al alfabetu llatín o usando fontes incompletes pal silabariu. Sicasí, dende la incorporación del silabariu chéroqui a Unicode, la llingua esperimentó una puxanza nel so emplegu na rede, y yá esiste una versión de Wikipedia en llingua chéroqui. Anguaño créese qu'esistió un silabariu más antiguu tresmitíu polos ahnikutani, un cleru antiguu de los chéroqui, y que precedió al silabariu de Sequoyah, que pudo inspirase nel mesmu pa la so gran xera.

Hestoria

Muyer Chéroqui, semeya d'Edward Troye anterior a 1874.

Empecipiándose aprosimao de la que la Guerra d'Independencia de Estaos Xuníos, (a finales del 1700) les violaciones repitíes de los trataos per parte de los colonos blancos emburriaron a dellos chéroquis a dexar la so nación. Estos recién disidentes moveríense al traviés del ríu Mississippi a les árees que más tarde seríen los estaos d'Arkansas y Missouri. Los sos asentamientos fueron establecíos sobre St. Francis y White River escontra 1800. Finalmente, debíu al gran númberu de chéroquis nestes árees, el gobiernu estaunidense estableció una reserva alcontrada n'Arkansas, con frontera dende'l norte del ríu Arkansas hasta la oriella sur del White River. Munchos d'estos disidentes fixéronse conocíos, como Chickamauga.

Lideraos pol Xefe Dragging Canoe, los Chickamauga fixeron aliances colos Shawnee y atacaron por sorpresa asentamientos de colonos. Otros líderes cheroquis que vivieron n'Arkansas fueron The Bowl, Sequoyah, Spring Frog y The Dutch.

A finales de 1820, el Territoriu d'Arkansas tenía entamáu l'anexón del suelu chéroqui d'Arkansas. Una delegación de los chéroquis d'Arkansas dirixéronse a Washington, D.C., y fueron forzaos a roblar un tratáu de desocupación de la Reserva. Estos teníen dos opciones: cooperar col gobiernu de los Estaos Xuníos y treslladase al Territoriu Indiu (darréu Oklahoma), o desafiar al gobiernu estaunidense, refugando l'área de la Reserva d'Arkansas. Alredor de 1828, la tribu estrémase, unos diendo al Territoriu Indiu y otros desobedecen al gobiernu, quedándose na Reserva d'Arkansas. Los que se quedaron na Reserva primieron al Gobiernu dende principios del 1900 pa ser consideraos una tribu federal Chéroqui. El Gobiernu estaunidense ignoró la so solicitú.

Una vegada que los chéroquis algamaron el Territoriu Indiu (agora Oklahoma), la tensión xubió y la suspensión de la Delda de Sangre Chéroqui foi ignorada. El 22 de xunu de 1839, dempués del aplazamientu d'una asamblea tribal, dellos destacaos firmantes del Treaty of New Echota fueron asesinaos, incluyendo al redactor de la Delda de Sangre, el comandante Ridge, con John Ridge y Elias Boudinot. Esto provocó 15 años de guerra civil ente chéroquis. Unu de los insignes supervivientes foi Stand Watie, qu'aportó a xeneral confederáu mientres la Guerra de Secesión. Los chéroquis fueron una de los Cinco Tribus Civilizaes”, que peracabó trataos y fueron reconocíos polos Estaos Confederaos d'América.

En 1848, un grupu de chéroquis partió nuna espedición escontra California buscando tierres pa nuevos asentamientos. La espedición siguió'l Ríu Arkansas contra corriente a los Montes Predresos nel Coloráu actual, depués siguieron pola base de los montes escontra'l norte nel Wyoming actual, enantes de dar la vuelta escontra l'oeste. La ruta conocióse como la Sienda Chéroqui. El grupu, qu'entamó la prospección d'oru en California, tornó de nuevu pola mesma ruta al añu siguiente, alvirtiendo sedimentos d'oru nos subafluentes de South Platte. L'afayu pasó inalvertíu mientres una década, pero col tiempu aportó a unu de los principales recursos na Fiebre del oru de Coloráu de 1859.

Otros chéroquis na zona occidental de Carolina del Norte sirvieron como parte de la Thomas' Legion, una unidá d'aprosimao 1.100 homes, tanto chéroquis como d'orixe blancu, lluchando principalmente en Virxinia, onde'l so historial combatiendo yera escepcional. La Thomas' Legion foi la postrera de les unidaes Confederaes en rindise en Carolina del Norte, en Waynesville, el 9 de mayu de 1865.

El Dawes Act de 1887 anuló los asentamientos agrícoles de les sos tierres. So la Curtis Act de 1898, tribunales y sistemes gubernamentales chéroquis fueron suprimíos pol gobiernu federal estaunidense. Estes y otres acciones fueron escurríes p'acabar cola soberanía tribal y preparar el terrén pa la incorporación d'Oklahoma como estáu en 1907. El gobiernu Federal designó a xefes de la Nación Chéroqui, de cutiu col tiempu xustu pa roblar solamente los trataos. Sicasí, la Nación Cheroqui reconoció la necesidá de lideralgu y una convención xeneral foi convocada en 1938 pa escoyer a un Xefe. Ellos escoyeríen a J. B. Milam como líder principal, y como xestu de bona voluntá Franklin Delano Roosevelt confirmó la elección en 1941.

W. W. Keeler foi designáu xefe en 1949, pero como'l Gobiernu Federal adoptó la política d'autodeterminación, la Nación Chéroqui foi capaz de reconstruyir el so gobiernu y W. W. Keeler foi escoyíu xefe pol pueblu, per aciu d'un Actu del Congresu robláu pol Presidente Nixon. Keeler, el que yera tamién el Presidente de Phillips Petroleum foi asocedíu por Ross Swimmer, Wilma Mankiller, Joe Byrd y Chad Smith que ye anguaño'l xefe de la Nación (2005).

La United Keetoowah tomó un camín distintu de la Nación Chéroqui y recibió la reconocencia federal dempués del Indian Reorganization Act de 1934. Estos baxen de los Vieyos Colonos", chéroquis que partieron del oeste primero de la dixebra. Los chéroqui d'ascendencia xaponesa son resultáu de los matrimonios ente estos dos grupos en California.

Tribus chéroquis reconocíes pol Gobiernu Federal de los Estaos Xuníos:

  • The Chérokee Nation of Oklahoma
  • The United Keetoowah Band of Chérokee Indians
  • The Eastern Band of Chérokee Indians

Nación Cheroki d'Oklahoma

Mientres el periodu 1898-1906, el gobiernu federal de los Estaos Xuníos terminó la nación chéroki pa facilitar la incorporación de "territoriu indíxena" nel estáu d'Oklahoma. Mientres 1906-1975, la estructura y función del gobiernu de la nación chéroki nun taben bien definíes, pero mientres el periodu 1975-1976, la tribu escribió una constitución como la nación chéroki d'Oklahoma, y foi reconocida pol gobiernu federal. En 1999, la nación chéroki d'Oklahoma fixo dellos cambeos o agregos a la so constitución, unu d'ellos la eliminación de la palabra "Oklahoma", dexando'l nome en "la nación chéroki".

Ver tamién

Enllaces esternos