Príncipe d'Asturies

Escudu del Príncipe d'Asturies.

Príncipe d'Asturies ye'l títulu cimeru que pertién l'heriede de la Corona Española. Anguaño ye So Alteza Real Doña Leonor de Borbón.

Pertién por Real Decretu dende 1977 los títulos históricos de los heriedes de los estremaos reinos hispanos: Príncipe d'Asturies, Príncipe de Girona, Príncipe de Viana, Duque de Montblanc, Conde de Cervera y Señor de Balaguer como heriede de los Reinos Llión, Castiella, Aragón, Navarra, Principáu de Cataluña y reinos de València y Mallorca. Los sos oríxenes remanecen de 1388, 1351, 1424, 1387, 1351, 1413, respeutivamente.

Orixe del títulu

Los oríxenes del Principáu d'Asturies remóntense a los primeros años del sieglu XIV, cuando, nes Asturies d'Uviéu constituyó el primer gran señoríu nobiliariu pa don Rodrigo Alvares. Al morrer ensin sucesión, pasó a don Enrique de Trastámara que, a la vegada, cedió-ylu al so fíu bastardu: Alfonso Enríquez. Demientres el reináu de Juan I, el conde de Noreña protagonizó una serie de revueltes que decidieron al Rei a confiscar el señoríu ya incorpoaralu a la corona de Castiella. Esta decisión de convertilu en realengu, confirmóla dos años más tarde, en 1385, otorgó testamentu mandó al so fíu Enrique:

... que la tierra de las Asturias que nos tomamos para la Corona del regno por los yerros que el Conde Don Alfonso nos fizo, que nunca la de a otra persona, salvo que sea siempre de la Corona, asi como lo nos lo prometimos a los de la dicha tierra cuando para nos la recibimos

Los términos de la redaición de la Célula Real de costitución del Principáu conozse por una escritura de confirmación fecha pol rei Juan II de Castiella, el documentnu orixinal ta perdíu. Declaraba:

Por cuanto soy informado que el rey don Enrique, mi padre, mandó que todas las cibdades e villas e lugares de Asturias de Oviedo fueren Mayorazgo para los principes de Castilla y León, para fazer bien e merced a vos, el principe don Enrique y porque las dichas Asturias son de vuestro título, non es razón que las de vos hayades e tengades, fago vos merced de todos las cibdades e villas e lugares, fortalezas,jurisdicciones, pechos e derechos, que todo ello sea Mayorazgo e Principado de los Infantes primogenitos de Castilla y León para siempre jamás, los cuales sean llamados príncipes de Asturias. Que todos los asturianos obedezcan al principe

En 1388, a raíz del matrimoniu alcordáu ente'l Juan I y el duque de Láncaster, hermanu del rei d'Inglaterra, pa los sos fíos Don Enrique de Castilla y doña Catalina, pa finar coles pretensiones de los Lancaster a la corona del Castiella (como descendientes de Pedru I), decidióse (alcuerdu de Bayona) que a semeyanza de Francia que los primoxénitos de los Reis yeren entitulaos Delfines y d'Inglaterra onde yeren Príncipes de Gales, en Castiella sedríen Príncipes d'Asturies.

E otrosí pusieron e ordenaron los dichos rey don Juan e duque de Alencastre en sus tratos que el dicho infante don Enrique oviese titulo de se llamar principe de Asturias e la dicha infanta doña Catalina, princesa.

El títulu de Príncipe d'Asturies n'adelantre sedrá ostentaáu pol Herederu de la Corona de Castilla y depués d'España.

La institución del Príncipe d'Asturies nun foi un simple títulu d' honor, pues el territoriu asturianu pertenecía-yos como patrimoniu, la persona a la que se-y otorgaba'l títulu podía nomar xueces, alcaldes, etc., y gobernaben el Principado en representación de su Señor. Esta situación camudó colos Reis Católicos, quemenguaron el títulu de Príncipe de Asturias a una condición simbolica y honorífica, calter que se caltuvo colos reis de la Casa d'Austria y cola dinastía de los Borbones.