Diferencies ente revisiones de «Gabón»
m →Otros |
Sin resumen de edición |
||
Llinia 7: | Llinia 7: | ||
| símbolos = |
| símbolos = |
||
| imaxen_mapa =LocationGabon.png |
| imaxen_mapa =LocationGabon.png |
||
| |
| lema_nacional = ''Union Travail Justice'' |
||
| himnu_nacional = ''[[La Concorde]]'' |
| himnu_nacional = ''[[La Concorde]]'' |
||
| capital = [[Libreville]] |
| capital = [[Libreville]] |
Revisión a fecha de 18:49 22 set 2006
Gabón, oficialmente la República Gabonesa, ye un país del oeste d´ África central. Llenda con Guinea Ecuatorial, Camerún, la República del Congu y el Golfu de Guinea. Dende la so independencia de Francia el 17 d'agostu de 1960, la República foi gobernada por dos presidentes autocráticos; el titular El Hadj Omar Bongo lleva nel poder dende 1967 y ye anguaño (2006) el Xefe d´Estáu d´África que lleva más tiempu nel cargu.
Hestoria
El territoriu de Gabón tuvo habitáu polo menos dende fai 9.000 años, como amosa l'arqueoloxía. Al paecer, la primer etnia presente na zona foron los pigmeos, que ciertu tiempu depués foron siguios por delles etnies, ente elles los bantúes
Dellos grupos bantúes vivieron nel área qu´ahora ye Gabón cuando Francia ocupóla en 1885. En 1910, Gabón llegó a ser ún de los cuatru tarritorios del África Ecuatorial Francesa, una federación que sobrevivió fasta 1959. Estos tarritorios ficieronse independientes el 17 d'agostu de 1960.
El primer presidente de Gabón elexíu en 1961, foi Léon M'ba, con El Hadj Omar Bongo como´l so vicepresidente. Cuando M'Ba morrió en 1967, Bongó reemplazólu como mandatariu según una reciente llei pola cuala´l vicepresidente socedería de secute al presidente en casu de fallecimientu d´ésti. Bongó estableció un sistema de partíu únicu, el Partíu Democráticu de Gabón (PDG), y foi´l xefe d´estáu dende entós.
En 1990 el país abrióse a un réxime multipartidista, y tres les elleiciones d´ esi añu ingresaron a la Asamblea Nacional representantes de cinco partíos opositores al PDG. EN 1993 Bongó foi reelexíu, pero presionáu pol gobiernu francés, aceutó convocar nueves elleiciones.
Un refréndu realizáu en 1995 dio-y la facultá de reformar la constitución, cuya nuea versión dio llugar a les elleiciones presidenciales y lexislatives de 1997. Al añu siguiente foi reelexíu, demientres cumplía 31 años ininterrumpios nel poder. El so collaciu, Jean-François Ntotoume, foi designáu primer ministru.
Gobiernu y política
Cola independencia de 1960 xurdieron dos partíos, el Bloque Democráticu Gabonés (BDG) de León M'Ba, y la Xunión Democrática y Social Gabonesa (XDAG), lliderada por Aubame. Tres les primeres elleicciones, negún de los dos partíos llogró la mayoría, y M'Ba llogró´l cargu de primer ministru col sofitu de los diputaos independientes. Por embargu, concluyóse por parte de los dos partíos que pa les dimensiones del país yera más afayaizo un sistema de partíu únicu, polo que pa les elleiciones de Febreru de 1961 creóse una llista única. M'Ba foi nomáu presidente, y Aubame ministru d´asuntos esteriores.
En febreru de 1963, la corriente del BDG trató de forzar a los miembros de la XDSG a una fusión dafecha o a dimitir de los sos cargos. Tolos ministros de la XDSG dimitieron, y convocaronse elleiciones en febreru de 1964, a les que la XDSG nun puo concurrir por nun presentar una llista acordies cola llei. Ensin llegar a celebrase les elleiciones, produxose´l 18 de febreru de 1964 un güelpe millitar escontra M'Ba, que fizo que les tropes franceses intervinieren. Les elleiciones celebraronse a la fin n´abril, con dellos partíos oponentes, nes qu´el BDG llogró una nidia mayoría.
En marzu de 1967, León M'Ba foi elexíu presidente, y Omar Bongo vicepresidente. Cola muerte de M'Ba esi mesmu añu, Omar Bongo accedió a la presidencia.
En 1968 tornase al sistema de partíu únicu, disolviendo´l BDG y creyando´l nuéu Partíu Democráticu Gabonés (PDG). Bongo foi elexíu presidente de contino en 1975, 1979 y 1986. Tres un debate nacional so la situación política, abrióse de nuevu un sistema multipartíu, col que Bongo foi nuevamente elexíu presidente en 1990, 1993 y 1998, creyándose una nueva constitución que permitió un procesu elleutoral más tresparente y reformes de les instituciones gubernamentales.
Gabón ye anguaño una república democrática multipartidista, con un presidente elexíu pol votu popular y un mandatu de 7 años; un primer ministru y un conseyu de ministros nomaos pol presidente.
L´Asamblea Nacional consta de 120 miembros, de los cualos 111 son elleutos y 9 nominaos pol presidente pa un períodu de 5 años. El poder xudicial reside na Corte Suprema de Xusticia ya otros tribunales menores.
Cauna de les 9 provincies ye dirixida por un gobernador.
Les prósimes elleiciones realizaránse en 2012.
Organización político-alministrativa
Gabón ta dividido en 9 provincies (capitales ente paréntesis)
- Estuaire (Libreville)
- Haut-Ogooué (Franceville)
- Moyen-Ogooué (Lambaréné)
- Ngounié (Mouila)
- Nyanga (Tchibanga)
- Ogooué-Ivindo (Makokou)
- Ogooué-Lolo (Koulamoutou)
- Ogooué-Maritime (Port-Gentil)
- Woleu-Ntem (Oyem)
Xeografía
Gabón ta asitiáu na costa atlántica d´África central. Nel sentíu de les anguyes del reló dende´l noroeste, llenda con Guinea Ecuatorial, Camerún, y la República del Congu.
La más parte del interior del país ta tapecíu per una densa selva.
Esisten trés rexones: la llanura costera, con munchos lnagos y llagunes; la rexón montesina de los Montes Cristal y les mesetes ondulaes orientales, cuyu puntu más altu ye´l Monte Iboundji, de 1.575 m. d´altor.
Esiste una importante rede hidrográfica que s´estiende per tol territoriu gabonés.
El ríu más llargu de Gabon ye´l Ogooué.
Economía
Gabón tien grandes reserves de mineral de fierru y d´árboles de maeres perfines. Otros recursos importantes son el petróleu, el manganesu y l´uraniu.
La so escosa población, abondantes recursos ñaturales y la inversión privado foriata aidaron a facer de Gabón ún de los países más prósperos de la rexón, pesie que tien una tasa de desemplegu del 21% (2000).
Les principales esportaciones son el petróleu, la maera, el manganesu y l´uraniu, les que se destinen a Francia (62%), Costa de Marfil (7%), Reinu Xuníu (2%) y Países Baxos (2%).
Gabón importa maquinaria agrícola, allimentos, metales, productos químicos, materiales de construición ya equipos de tresportes. Los mesmos provienen de Francia (62%), Costa de Marfil (7%) y Reinu Xuníu (2%).
La tasa d´inflación añal ye del 1,5% (2004), el PBI per cápita asciende a 5600 dólares y la deuda esterna yera de 3.804 millones de dólares en 2004.
Demografía
Principal grupu étnicu: fang. Los myene considerense a sí mesmos l´ aristocracia de Gabón. La educación sofitase nún sistema francés. Alfabetización: 71%. La Universidá de Libreville creyada en 1970 tien más de 4.000 alumnos. Los ingresos del petróleu llogren importantes inversiones na salú, una de les meyores d´África.
La composición étnica ye: fangos (35%), bantúes (29%), eshires (25%), dellos africanos y dellos blancos (9%), blancos franceses (2%).
Educación
Esiste la Universidá Omar Bongó en Libreville. Esta universidá tien un Departamentu d´Español, que s´encarga del deprendizax de la llingua española en Gabón, asina como del espardimientu de la cultura hispanoamericana ya hispanoafricana.
Cultura
La música gabonesa ye poco conocida en comparanza coles xigantes rexones como la República Democrática del Congu y Camerún. Dellos artistes de Gabón son: Patience Dabany, Georges Oyendze, La Rose Mbadou, Sylvain Avara y Oliver N'Goma
Entre los escritores encontramos: Jean-Baptiste Abessolo y Angèle Rawiri
Ente los cineastes destaca Imunga Ivanga, especializáu en documentales sobre la problemática del so país.
Data | Nome n´asturianu | Nome llocal | Notes |
---|---|---|---|
17 d'agostu | Día de la Independencia | Jour de l'Independence |
Ecoloxía
La viesca tropical de Gabón ye considerada la más densa y virxe d´África. D´otra miente, el pregrande xorrecimientu demográficu del país ta provocando una deforestación estrema que menaza a esti invalorable recursu ñatural.
La caza furtiva, asinamesmu, ta poniendo en peligru a la fauna xabaz.
Bientar social
El país carez de servicios mélicos eficientes y cásique nun tien escueles nin carreteres.
Relixón
Les relixones que se prautiquen son: catolicismu 56%, protestantismu 17,7%, otres 11,9%, otres relixones cristianes 9,6%, islam 3,1%, relixones tradicionales africanes 1,7%.
Enllaces esternos
Gobiernu
Visión xeneral
Otros
- Los Pigmeos Baka de Camerún y de Gabón Cultura y música de los primeros habitantes de Gabón
- U.S. Department of State Nota informativa sobre Gabón de la Oficina d´asuntos africanos.
- Wikimedia Commons tien conteníu multimedia tocante a Gabón.
- ↑ URL de la referencia: https://www.oic-oci.org/states/?lan=en. Data de consulta: 29 ochobre 2022.
- ↑ URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.
- ↑ URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.
- ↑ URL de la referencia: http://www.unesco.org/eri/cp/ListeMS_Indicators.asp.
- ↑ URL de la referencia: http://www.upu.int/en/the-upu/member-countries.html. Data de consulta: 4 mayu 2019.
- ↑ URL de la referencia: https://www.itu.int/online/mm/scripts/gensel8. Data de consulta: 4 mayu 2019.
- ↑ URL de la referencia: https://public.wmo.int/en/members/gabon. Data de consulta: 26 mayu 2020.
- ↑ URL de la referencia: https://www.who.int/choice/demography/by_country/en/. Data de consulta: 21 xunetu 2020.
- ↑ «Albanië, Brazilië, Gabon, Ghana en de Verenigde Arabische Emiraten nieuwe niet-permanente leden van de Veiligheidsraad». VRT NWS (11 xunu 2021). Consultáu'l 3 xineru 2023.
- ↑ URL de la referencia: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consulta: 16 marzu 2024. Páxina: 8. Supports qualifier: data de principiu.