Bandera de Canadá

Bandera de Canadá, deseñada por George Stanley

La bandera de Canadá, conocida popularmente n'inglés como Maple Leaf Flag (la bandera de la fueya de pládanu) y en francés como l'Unifolié (la Unifueya), ta formada por dos bandes verticales bermeyes y una blanca, del doble anchor que les anteriores, nel centru. Dentru la banda blanca hai una fueya de pládanu d'once puntes de color bermeyu.

Hestoria

Mentantu la Segunda Guerra Mundial hubo la intención de criar una bandera nacional pa identificar nidiamente a les tropes canadianes pero la idea nun finará por prosperar. Nun va ser hasta'l 1960 que l'alderique por algamar una bandera nacional va alquirir rellevancia pública. La bandera bermeya cola británica nel cantón cimeru izquierdu yera impopular na provincia francófona de Quebec, mientres que caltenía gran simpatia nes zones rurales anglófones. El Primer Ministru Lester B. Pearson del partíu Lliberal formó un comité parllamentariu pa escoyer el deseñu de la bandera. El 29 d'octubre de 1964 el comité escueye, por unanimidá, el deseñu creáu por George F.G. Stanley, inspiráu na bandera del Royal Military College de Canadá (en Kingston, Ontario). La nueva bandera foi adoutada pola Casa de los Comunes el 15 d'avientu de 1964. La reina Isabel II proclamara la nueva bandera el 28 de xineru de 1965. Na ceremoña oficial del 15 de febreru, en presencia del Gobernador Xeneral Georges P. Vanier, el Primer Ministru, los miembros del Gabinete y los parllamentarios canadienses, izose per primera vegada. Dende'l 1996, el día 15 de febreru cellébrase el Día de la Bandera.

• 
  Bandera usada de 1957 a 1965
• 
  Bandera del Royal Military College of Canada na que s'inspiró Stanley pa facer la de so.
• 
  El Pearson Pennant

Banderes de territorios y provincies de Canadà

• 
  Alberta
• 
  Columbia Británica
• 
  Manitoba
• 
  Nueva Brunswick
• 
  Nueva Escocia
• 
  Nunavut
• 
  Ontario
• 
  ‎ Islla Príncipe Dubardu
• 
  Quebec
• 
  ‎ Saskatchewan
• 
  Terranova y Llabrador
• 
  Territorios del Noroeste
• 
  Yukón