John McEnroe

John McEnroe.

John Patrick McEnroe ye un ex-xugador de tenis estaunidense. Considerau unu de los más grandes talentos de la hestoria del deporte, llogró ganar 7 títulos de Grand Slam y ocupar el puestu Nº1 de l'ATP, tantu en individuales comu en dobles.

Miembru de l'equipu norteamericanu de Copa Davis munches vegaes, finó so carrera con 77 títulos individuales y 70 en dobles, y ye recordau pola so habilidá cola raqueta, polos sos partíos escontra otres grandes lleendes comu Björn Borg, Jimmy Connors o Ivan Lendl y pol so incontrolable temperamentu dientro de la cancha, lo que-y daba munchos problemes colos xueces de siella y árbitros.

Récords

• Más títulos en pista dura (xunto a Connors) (43)
• Segundu con más títulos n'indoors (52)
• Terceru con más títulos na hestoria (77)
• Terceru con más títulos n'herba (8)
• Máyor cantidá de títulos (individuales y dobles) (156) (77 individuales, 78 dobles, 1 dobles mixtu)
• Únicu xugador na hestoria n'estar nel númberu 1 del ranking mundial n'individuales y en dobles al mesmu tiempu.

Enllaces esternos

• Perfil ATP
• International Tennis Hall of Fame
• Sitiu oficial de Wimbledon profile
• Perfil de la BBC
• Record Copa Davis