Quentin Tarantino

Quentin Tarantino

Quentin Tarantino (27 de marzu 1963, Knoxville, Tennessee) ye un guionista, direutor y actor estaunidense.

Biografía

Algamó popularidá metanes la década de 1990 como guionista qu'innovó los arquetipos más esteriotipaos de los Estaos Xuníos. Magar la so curtia carrera, considérase como un finxu del cine independiente norteamericanu, y les sos películes siempre foron daqué polémiques.

Vida y obra

Diose a conocer na película True Romance (tornada al castellán como Amor a Quemarropa pa España y La Fuga, pa México), guión nel que collaboró tamién Roger Avary, y Tony Scott acabó por dirixir con Patricia Arquette y Christian Slater nos papeles principales. Tamién escribió'l guión xenuín de Natural Born Killers (na so versión en castellan Asesinos Natos). L'estrenu de True Romance (1993) dio-y a Tarantino la oportunidá de facer amistá col productor Lawrence Bender, que lu animó a dirixir Reservoir Dogs (1992) y Pulp Fiction (1994). Pulp Fiction ganó la Palma d'Oru nel Festival de Cannes de 1994. La película de Tarantino que vieno darréu, nel 1997, Jackie Brown, basábase nuna novela d'Elmore Leonard y cuntaba con Pam Grier nel papel protagonista. Estrenó Kill Bill, la primer parte nel 2003 y la segunda nel 2004. Depués del so trabayu en Grindhouse (2007), n'andecha con Robert Rodríguez, na que Tarantino dirixe la parte Death Proof, el so últimu trabayu ye Inglourious Basterds.

Tarantino, collaboró con Robert Rodríguez en delles escenes de Sin City (2005), y foi productor de la película de terror del subxéneru "gore" Hostel (2005), dirixida por Eli Roth, que cunta con sangrientes ya chocantes escenes de tortura, y que tuvo crítiques pol so escasu nivel artísticu, y el so especial sadismu, arriendes de la pantasmal apaición de Takashi Miike casi al fin de la película.

Curiosidaes

Ún de los vezos de Tarantino son los carauterísticos planos dende l'interior d'un maleteru qu'apaecen en toos y caún de los sos films.

Maníaticu pa los pies, ye normal que les actrices enseñen los pies descalzos y n'ocasiones en primer planu.

Otra curiosidá ye'l Zippo qu'apaez tamién en toles sos películes.

Nuna escena de Death Proff, vese que'l tonu del móvil d'una de les rapaces ye'l cantar Twisted Nerve de Bernard Herrmann, el canciu famosu del xiblíu de Kill Bill. Como personaxes secundarios de Death Proof aprucen el "Sheriff" y "Fíu númberu 1" de Kill Bill, amás del personax que robla con un Buck una seición de prostitución col cuerpu de Trx.

Normalmente hai xiros y comentarios discriminatorios hacia negros y xudíos, magar que nun son el tema central nos diálogos.

La película "Grind House" dirixóla en comuña col direutor Robert Rodríguez. Cada direutor escribe y dirix el so propiu guión d'una hora y media de duración.

Una de les sos carauterísticas principales son les tomes de llarga duración que suel amosar. Inclúi tamién nos personaxes el consumu de cigarros Red Apple, o bien salen anunciaos o como parte de la escenografia.

En toles películes dirixíes por él nes que tamién sal como personax actuando, acaba asesináu (sacante de Pulp Fiction).

Filmografía

Como productor

• Hell Ride (2008)
• Hostel 2 (2007)
• Hostel (2006)
• Tú asesina, que nosotros llimpiamos el sangre (títulu orixinal Curdled) 1996.

Como direutor

• Faster, Pussycat! Kill! Kill! (preproduición)

• Inglorious Bastards (2009)

• Grind House: Death Proof (2007)

• Sin City (Director invitado) (2005)

• Peligru sepulcral (episodiu de CSI: Crime Scene Investigation (2005))

• Kill Bill Vol.2 (2004)

• Kill Bill Vol.1 (2003)

• Jackie Brown (1997)

• Four Rooms (1995)

• Motherhood. Episodiu de la serie "Urgencias" (1995)

• Pulp Fiction (1994)

• Reservoir Dogs (1992)

• My Best Friend's Birthday (1987)

Como guionista

• Inglorious Bastards (2009)

• Grind House: Death Proof (2007)

• Peligru sepulcral (episodio de CSI: Crime Scene Investigation (2005))

• Kill Bill Vol.2 (2004)

• Kill Bill Vol.1 (2003)

• Jackie Brown (1997)

• From Dusk Till Dawn (Abiertu hasta l'amanecer) (1996)

• Four Rooms (1995)

• Motherhood. Episodiu d'Urxencies (1995)

• Asesinos Natos (1994)

• Pulp Fiction (1994)

• Amor a quemarropa (1993)

• Reservoir Dogs (1992)

• My Best Friend's Birthday (1987)

Como actor

• Inglorious Basterds. (2009). Caméu.

• Not quite Holliwood. Documental (2008)

• Sukiyaki Western: Django : Dirixida por: Takashi Miike (2007)

• Grind House: Planet Terror (de Robert Rodriguez) y Death Proof (de Quentin Tarantino) (2007)

• Revelación total (voz) (Alias) (2003)

• Dempués de les seis (Alias) (2003)

• La Caxa. Doble Episodiu d'Alias (2001)

• Little Nicky (2000)

• Jackie Brown (1997) (voz)

• Girl 6 (1996)

• From Dusk Till Dawn (Abierto hasta el amanecer) (1996)

• Dance Me to the End of Love (1995)

• Desperado (1995)

• Four Rooms (1995)

• Destiny Turns on the Radio (1995)

• Sleep With Me (Duerme conmigo) (1994)

• Somebody to Love (Dalguien a quien amar) (1994)

• Pulp Fiction (1994)

• Reservoir Dogs (1992)

• Eddie Presley (1992)

• My Best Friend's Birthday (1987)