Bandera d'Asturies

Bandera oficial d'Asturies

L'Estatutu d'Autonomía d'Asturies, artículu 3.1, establez que la bandera del Principáu d'Asturies ye la tradicional, rectangular cola Cruz de la Victoria n'amariellu sobre fondu azul. De los brazos de la Cruz cuelguen les lletres griegues alfa mayúscula y omega minúscula. La denomación d'Asturina foi introducida pol coleutivu Conceyu Bable, anque anguaño ye únicamente emplegada por delles organizaciones minoritaries de calter políticu y social normalmente arreyaes al asturianismu políticu. D'otra banda, a principios de sieglu XX, Padre Galo da'l nome d'Azuleste a la bandera asturiana.

Esisten delles versiones de la bandera; la oficial, que ye la versión pa ser usada en mástil, la Cruz de la Victoria ta a una distancia de la vaina de mediu anchor de la bandera. Na versión pa usu desemeyáu de mástil, la Cruz allúgase nel centru.

L'orixe de la bandera remana de la dómina de la invasión napoleónica, cuando la Xunta Xeneral del Principáu d'Asturies declárase soberana y crea un exércitu para rebater a los invasores. Na so primera versión la bandera incluyía'l rezu Asturies enxamás vencida.

Na Llei 4/1990, de 19 d'avientu desarróllase la llexislación relativa al usu de la bandera, así como les sos dimensiones oficiales, llugar de colocación en ceremonies públiques, colores, etc.

Bandera d'Asturies pa usu n'interior.

La variante de gala de la bandera d'Asturies

Otres banderes

• 
  Pendón Real de Ramiru I d'Asturies (842 - 850)

Ver tamién

• Asturina (Bandera nacionaliega asturiana)

Enllaces esternos

• Ley 4/1990, de 19 d'avientu, de la Bandera del Principáu d'Asturies
• Resume d'especificaciones técniques de la bandera d'Asturies, SEV