Tresona

Escudu de Tresona.

Tresona o Trasona (Trasona en castellanu) ye una parroquia del conceyu asturianu de Corvera. Ocupa la faza más septentrional del territoriu del conceyu, y tien una estensión de 8,32 km². La so población ye de 2.103 habitantes.

La so actividá económica ye eminentemente industrial (ArcelorMittal, Fertiberia) y comercial (centru y galeríes comerciales), anque hai delles esplotaciones ganaderes. L'embalse de Tresona ye un referente deportivu n'Asturies pola presencia del Centru d'Altu Rendimientu, qu'aconceya a deportistes d'elite internacionales de piragüismu y remu principalmente.

La población de la parroquia divídese ente les siguientes poblaciones:

• El Cuetu (aldega);
• Fafilán (aldega);
• Favila (llugar);
• Gabitos (caseríu);
• Gudín (llugar);
• La Marzaniella (aldega);
• Mocín (caseríu);
• Overo (aldega);
• El Palaciu (caseríu);
• El Pedréu (llugar);
• Rovés (caseríu);
• San Pelayo (llugar);
• Silvota (llugar);
• Tarín (caseríu);
• Tresmonte (caseríu);
• Truyés (Aldega).

Enllaces esternos

• Wikimedia Commons acueye conteníu multimedia sobre Tresona.
• Colexu públicu d'Educación Infantil de Gudín
• Club de tiru de precisión Ensidesa/Trasona

Parroquies de Corvera
	Tresona Les Vegues Los Campos Villa Molleda Cancienes Solís