Marcel Proust

Marcel Proust

Marcel Proust (10 de xunetu de 1871, París - 18 de payares de 1922, París), foi un escritor francés, consideráu unu de los escritores más influyentes del sieglu XX. La so obra más conocida ye À la recherche du temps perdu, escrita ente los años 1908-1922 y considerada pola crítica una de les obres más importantes de la lliteratura universal.

Biografía

Naz n'Auteuil, XVI distritu de París, el 10 de xunetu del añu 1871. Ye fíu d'Adrien Proust, importante médicu y políticu na Tercera República Francesa (1870-1940), y de Jeanne Clémence Weil, que pertenez a una rica familia alsaciana d'orixe xudíu. Ye bautizáu na ilesia de Saint-Louis d'Antin. Anque la so madre va caltener la relixón xudía, tanto Marcel como'l so hermanu Robert van ser educaos nel catolicismu. Na primavera del añu 1881 tien el so primer ataque d'asma, enfermedá que lu va acompañar tola vida de manera intermitente. Nesi mesmu añu de 1881 va a clase nel Cours Pape-Carpentier, onde conoz a Jacques Bizet, fíu del famosu compositor. En 1882 queda inscritu nel Lliceú Fontanes, qu'a partir de xineru del añu 1883 pasa a ser el Lycée Condorcet. En 1890 inscríbese en París na facultá de Derecho y na de Ciencies Polítiques, onde siguirá cursos con Paul Dejardins y Albert Sorel. Frecuenta el salón de Mme. Straus, onde ve a Maupassant. Asiste tamién a los salones de Mme. Arman de Caillavet. Conoz a artistes y miembros de l'aristrocracia y les finances como Charles Haas, miembru del Jockey Club y principal modelu pa Swann.

Obres

Noveles

• Les Plaisirs et les Jours, (1896)
• À la recherche du temps perdu (1913-1927)
  • Du côté de chez Swann (1913)
  • À l'ombre des jeunes filles en fleurs (1919)
  • Le Côté de Guermantes I y II (1921–1922)
  • Sodoma et Gomorra I y II (1922–1923)
  • La Prisonnière (póstuma, 1925)
  • Albertine disparue (póstuma, 1927)
  • Le Temps retrouvé (póstuma 1927)
• Parodias y misceláneas (1919)
• Celos (1921)
• Crónicas (1927)
• Jean Santeuil (póstuma, 1952)

Otres obres

• Contra Sainte-Beuve (póstuma, 1954), ensayu

Bibliografía

• George D. Painter, Marcel Proust, 1871-1903: les années de jeunesse et Marcel Proust, 1904-1922: les années de maturité, Mercure de France, 1966.

Enllaces esternos

• Wikimedia Commons tien conteníu multimedia tocante a Marcel Proust.
• Marcel Proust