Diferencies ente revisiones de «Alfonso Enríquez»

De Wikipedia
Contenido eliminado Contenido añadido
m INeverCry esborró l'archivu "Cimadevilla_aereo.jpg" en Commons porque Per commons:Commons:Deletion requests/Files uploaded by Machlas.
Sin resumen de edición
Llinia 3: Llinia 3:
'''Alfonso Enriquez''', [[Condáu de Noreña|conde de Noreña]] y [[conde de Xixón]], nació en [[1355]] en [[Xixón]]. Foi fíu bastardu del rei [[Enrique II de Castiella]]. So padre dio-y el títulu de Conde de Xixón en [[1373]] y el de Noreña, qu'heredare, enantes de ser rei, de [[Rodrigo Alvarez de les Asturies]].
'''Alfonso Enriquez''', [[Condáu de Noreña|conde de Noreña]] y [[conde de Xixón]], nació en [[1355]] en [[Xixón]]. Foi fíu bastardu del rei [[Enrique II de Castiella]]. So padre dio-y el títulu de Conde de Xixón en [[1373]] y el de Noreña, qu'heredare, enantes de ser rei, de [[Rodrigo Alvarez de les Asturies]].


Fíu d'[[Elvira Íñiguez de la Vega]], el conde Alfonso Enríquez ye'l primoxénitu d'[[Enrique II de Castiella]]. Naz en Xixón, en 1355 y se verá en posesión d'amplios territorios; de so padre, recibe n'herencia toles sos posesiones n'Asturies, destacando los condaos de [[Noreña]] y [[Xixón]], pero que tamién [[Ribeseya]], [[Villaviciosa]], [[Nava]] o [[Llaviana]], ente otros, nel oriente del país, y [[Cuideiru]], [[Ḷḷuarca]], o [[Pravia]] nel occidente. Poseyó [[Babia]] y [[Los Argüeyos]]. Foi'l más poderosu señor feudal de les [[Asturies]], qu'intentó tornar independiente del reinu del so hermanu D. [[Xuan I de Castiella]] y depués del so sobrín [[Enrique III de Castiella]]. Tuvo munchos señoríos y vasayos, pero tolos perdió poles desobediéncies al rei [[Xuan I de Castiella]], el so mediu hermanu, y más tarde al rei Enrique III , el so sobrín, en [[1395]].
Fíu d'[[Elvira Íñiguez de la Vega]], el conde Alfonso Enríquez ye'l primoxénitu d'[[Enrique II de Castiella]]. Naz en Xixón, en 1355 y verase en posesión d'amplios territorios; de so padre, recibe n'herencia toles sos posesiones n'Asturies, destacando los condaos de [[Noreña]] y [[Xixón]], pero tamién [[Ribeseya]], [[Villaviciosa]], [[Nava]] o [[Llaviana]], ente otros, nel oriente del país, y [[Cuideiru]], [[Ḷḷuarca]], o [[Pravia]] nel occidente. Poseyó [[Babia]] y [[Los Argüeyos]]. Foi'l más poderosu señor feudal de les [[Asturies]], qu'intentó tornar independiente del reinu del so hermanu D. [[Xuan I de Castiella]] y depués del so sobrín [[Enrique III de Castiella]]. Tuvo munchos señoríos y vasayos, pero tolos perdió poles desobediéncies al rei [[Xuan I de Castiella]], el so mediu hermanu, y más tarde al rei Enrique III , el so sobrín, en [[1395]].


== Infancia y mocedá ==
== Infancia y mocedá ==

Revisión a fecha de 21:10 10 och 2013

Castiellu de Noreña nun grabáu del sieglu XIX.

Alfonso Enriquez, conde de Noreña y conde de Xixón, nació en 1355 en Xixón. Foi fíu bastardu del rei Enrique II de Castiella. So padre dio-y el títulu de Conde de Xixón en 1373 y el de Noreña, qu'heredare, enantes de ser rei, de Rodrigo Alvarez de les Asturies.

Fíu d'Elvira Íñiguez de la Vega, el conde Alfonso Enríquez ye'l primoxénitu d'Enrique II de Castiella. Naz en Xixón, en 1355 y verase en posesión d'amplios territorios; de so padre, recibe n'herencia toles sos posesiones n'Asturies, destacando los condaos de Noreña y Xixón, pero tamién Ribeseya, Villaviciosa, Nava o Llaviana, ente otros, nel oriente del país, y Cuideiru, Ḷḷuarca, o Pravia nel occidente. Poseyó Babia y Los Argüeyos. Foi'l más poderosu señor feudal de les Asturies, qu'intentó tornar independiente del reinu del so hermanu D. Xuan I de Castiella y depués del so sobrín Enrique III de Castiella. Tuvo munchos señoríos y vasayos, pero tolos perdió poles desobediéncies al rei Xuan I de Castiella, el so mediu hermanu, y más tarde al rei Enrique III , el so sobrín, en 1395.

Infancia y mocedá

Demientres los primeros años de vida, permaneció siempres baxo l'atenta vixilancia de so padre, que colocare en puestos de responsabilidá a dellos de los sos parientes pa tratar de crear un círculu adictu a la Corona que-y permitiera goberanar con cierta tranquilidá.

Fizo les sos primeres armes demientres la segunda Guerra Fernandina, sometiendo les places de Viana del Bollo y Cascais, enantes que'l Tratáu de Santarem punxere final a la contienda, si bien esiste constancia de la so presencia ya na Batalla de Náxera.

Sin embargu, anque nun llegó a enfrentase abiertamente al so padre, los desalcuerdos ente dambos yeren bastante habituales. En 1375, ante'l matrimoniu que so padre concertara cola infanta Sabela de Portugal, pa sellar el Tratáu de Santarem, Alfonso Enríquez fuxó a Francia pa tratar de que'l papa Gregoriu XI interviniere y anulare'l compromisu, pero tuvo que ceder ante la confiscación de tolos sos bienes qu'ordenó Enrique II.

Una vez cellebráu'l casoriu en 1377, que nunca nun llegó a consumase, Alfonso Enriquez unióse a les tropes castellanes na guerra contra Navarra. P'afrontar los gastos derivaos de la espedición, Alfonso decreta un serviciu estraordinariu nos conceyos de la so propiedá, asina como en dalgunos que nun lo yeren, lo que provoca una reacción inmediata, tanto de la Ilésia asturiana como de munchos de los miembros de la nobleza laica. Ente esto, tuvo qu'intervenir el mismu Enrique II prohibiendo al so fíu recaldar nos conceyos que nun yeren d'el, y devolver lo tomao indebidamente.

El reináu de Xuan I

Xuan I de Castiella.

En mayu de 1379 fina Enrique II de Trastámara, sucediéndolu nel tronu castellán el so fíu mayor, que reinaría como Xuan I de Castiella.

Los problemes internos surden al poco. Hai que remembrar que, al principiu del so reináu, Enrique II creara un círculu de parientes adictos (al menos en teoría) a la Corona pa reforzar la so posición. Sin embargu, a lo llargo de los años, fora apaiciendo una nueva clas de nobleza funcionaria, que ensiguida diba a dir desplzando a los parientes del rei nel exerciciu de los puestos de responsabilidá, y que sedría'l principal apoyu de los nuevos Trastámara.

Esta situación nun agradó lo más mínimo a l'alta nobleza, y Alfonso Enriquez, como parte d'ella, ensiguida empicipió a demostralo. Yá nes cortes de Burgos del añu 1379, obtién les rentes del alfolí d'Avilés, y n'avientu d'esi mesmu añu, l'anulación del so matrimoniu.

Sin embargu, en 1380, ye Xuan I el que dicta una serie de normes destinaes a torgar l'atropellu de la nobleza sobre los señoríos y encomiendes al so cargu; ente los damnificaos, el conde Alfonso, que se ve obligáu a devolver tierres garraes indebidamente a los monasterios de Monasteriu de San Salvador de Cornellana y Monesteriu Real de San Benito de Safagún.

Alfonso Enriquez parte entoncienes hacia Portugal, onde trata d'obtener la man de la infanta y heredera Beatriz de Portugal, a la vez qu'ofrez los sos servicios al duque de Lancaster que casáu con una fía de Pedro I el Cruel, reivindicaba la corona de Castiella.

Énte esta situación, Xuan I procede a confiscar tolos bienes del so hermanascu, a la vez que concede al obispu d'Uviéu, Gutierre de Toledo, poderes plenipotenciarios nel país. Finalmente, fracasaes les sos negociaciones, Alfonso Enriquez decide tornar a Asturies, onde, acoyéndose al perdón real, recupera los sos territorios.

Sin embargu, en 1383 alcontramos una nueva rebelión del conde Alfonso qu'obliga a Xuan I a dir a Asturies urxentemente ya que'l conde Alfonso Enriquez ufrierase a los ingleses pa solicitar ayuda. Sicasí, el rei actúa rápico y rinde toa Asturies quitando Xixón, onde se refuxa el rebelde, qu'acabaría acoyéndose otra vuelta al perdón del so hermanu'l 18 de xunetu de 1383.

Depués d'esta última revuelta, Xuan I decide confiscar toles posesiones asturianes d'Alfonso Enriquez, concediéndo-y a cambiu'l títulu de conde de Valencia de don Xuan, tierres muncho más accesibles y nes que'l conde sedría muncho más controlable. Amás, entregó a don Gutierre de Toledo el señoríu de Noreña en pagu polos sos servicios y dio al so fíu, el futuru Enrique III, el títulu de Príncipe d'Asturies, con tolos sos señoríos; d'esta manera, vinculen a la corona de Castiella el territoriu asturianu de difícil accesu, territoriu de conspiraciones y rebeliones.

Poco depués, y a raíz de la sucesión de Fernando I de Portugal, Xuan I decide encarcelar a Alfonso Enriquez nel castiellu de Almonacid, ante la posiblidá de qu'esti pueda llevar alante maniobres na so contra. Tará presu durante ocho años y, namás a la muerte del rei, en 1390, recuperará Alfonso Enriquez la so llibertá y les sos posesiones.

El reináu d'Enrique III

Tres la muerte de Xuan I y aprovechando'l desorden ya inestabilidá reinantes, Alfonso Enriquez consigue la devolución de les sos posesiones asturianes.

N'agostu de 1394, Enrique III partió de Valladolid hacia Asturies pa tratar de someter otra vez a Alfonso. Pa ello, organizó una flota que debería cercar Xixón per mar, mientres qu'élli entraría dende Lleón atravesando'l puertu payares.

El conde centró la so defensa nes places fuertes de Xixón y el Castiellu de San Martín (en Sotu'l Barcu). Trató de tomar Uviéu, pero fracasó dafechu énte la oposición de la burguesía y l'obispáu.

Xixón yera entoncienes una auténtica fortaleza natural; amurallada dende tiempos romanos y asitiada sobre una península, la única entrada a la ciudá yera al través d'un pasillu d'arena que s'esborriaba na mar llena, colo qu'un exércitu sitiador tenía perpocos puntos polos qu'entrar.

Enrique III puso sitiu a Xixón dellos meses, ensin que se viesen resultaos claros pa ningunu de los dos contendientes. Ello llevó a una tregua.

El rei organizó un nuevu cercu a la ciudá na segunda quincena de xunetu de 1395, en tanto qu'Alfonso preparó la defensa de la villa, aprovisionándola d'alimentos y armas, tres lo cual partió nuevamente, esta vez hacia Bayona en busca d'ayuda inglesa, dexando'l cercu en manos de la so esposa Sabela.

Tres más d'un mes d'asediu, tiempo nel que los castellanos ensayaron l'usu de l' [artillería]] contra les muralles de Xixón. Finalmente, al nun llegar los refuerzos buscaos, Sabela, rindió la ciudá, non sin primero asegurar la so vida y la de la so familia, tres lo cual partió hacia Francia p'axuntáse col so maríu.

Enrique III, una vez firmáu l'alcuerdu, ordenó la destrucción de la villa, poniendo fin a les revueltes del conde Alfonso.

Años años

Poco sabemos del conde Alfonso a partir d'esti momentu, salvo que foi presu por orde del rei en San Juan de Luz, anque lliberáu poco depués, y que se rumoreó taba implicado nuna conspiración del rei de Portugal contra Enrique III en 1397, anque nunca se supó con certeza.

Morrió posiblemente en Portugal, en fecha desconocida, ya que a principios del sieglu XV hai noticies de qu'ellí vivía la condesa Isabel, que mantendría'l linaxe de los Noreña portugueses.

Rellaciones familiares

Escudu d'armes da la família Noronha.

Fíu del rei Enrique II de Castiella, enantes del so casoriu con doña Elvira Iñiguez de la Vega, de quien yera pariente cercanu al ser ñetos del rei Dinis de Portugal y de lareina Santa Isabel y claro de D. Sancho IV de Castela.

Casose en Burgos en 1373 com D. Isabel de Portugal (1364 - 1435, en Marans, Francia), señora de Viseu, fiya natural del rei Fernando I de Portugal, enantes del so casamientu, y foron el troncu de la família portuguesa Noronha:

  1. D. Pedro de Noronha (Castiellu de Xixón 1379 - 20 d'agostu de 1452), arzobispu de Lisboa,
  2. D. Fernando de Noronha 2º conde de Vila Real (1380 -?), 2º conde de Vila Real, casáu con D. Brites de Menezes, 2ª condesa de Vila Real (1400 -?),
  3. D. Constança de Noronha (1390 -?), que foi la 2ª muyer de D. Afonso, 1º duque de Bragança, casáu com Mécia de Sousa, 4ª señora de Mortágua (1400 -?)
  4. D. Diogo Henriques de Noronha,
  5. D. Sancho de Noronha, 1º conde d'Odemira (c. 1390 -?) casó con Mécia de Sousa, 4ª señora de Mortágua (depués de fináu l'anterior maríu).
  6. D. Henrique de Noronha (c. 1390 -?).
  7. D. João de Noronha, foi fechu Caballeru pol Infante D. Duarte, en Ceuta, en cuyu cercu tomó parte xunta'l rei onde foi firíu. Foi a morrer enAlmodôvar, Portugal, de les mancadures.

Referéncies, Fontes y bibliografía

  • Carvallo, Luis Alfonso de. Antigüedades y cosas memorables del Principado de Asturias. Madrid, 1695
  • Uria Maqua, Juan. Las Rebeliones del conde don Alfonso en Asturias (1368-1396), en Historia General de Asturias, tomo 2.
  • Genealogias da ilha Terceira de António Ornelas Mendes e Jorge Forjaz. Vol. VI, Páx. 467 Dislivro Histórica, 2007.
  • Brasões da Sala de Sintra-3 vols., Anselmo Braamcamp Freire, Imprensa Nacional-Casa de Moeda, 2ª Edição, Lisboa, 1973. vol. I, páx. 45.
  • História Genealógica da Casa Real Portuguesa, D. António Caetano de Sousa, Atlântida-Livraria Editora, Lda, 2ª Edição, Coimbra, 1946. Tomo I-pg. 181.
  • Sangue Real, Manuel Abranches de Soveral, Masmedia, 1ª Edição, Porto, 1998. pg. 16.
  • Cronica de D. João I, de Fernão Lopes. Cap. L III, pág. 155, edição Melo Azevedo, 1897.
  • História de Portugal de Damião Peres, II Vol. pág. 333.
  • Grandes de Portugal e de Sonsa, 55, História de Portugal, Enes, II, 248.
  • Crónica de El-Rei D. Fernando, de Fernão Lopes, Cap. LXXXII, LXXXIV e História das Gente de Sonsa, I, p.427.
  • Crónica da Tomada de Ceuta, de Zurara, cap. LRVI e História da Cidade de Ceuta., de Mascarenhas, 95.

Enllaces esternos