Diferencies ente revisiones de «Día del Esperanto»
Páxina nueva: thumb|[[L. L. Zamenhof, aniciador del Esperanto. El so día de ñacimientu conmemorase como ''Día de Zamenhof''.]] El '''Día del Esperanto''' celébr... |
(Nun hai diferencies)
|
Revisión a fecha de 01:22 12 xun 2013
El Día del Esperanto celébrase internacionalmente'l 15 d'avientu, en conmemoración de la fecha del ñacimientu de L. L. Zamenhof (1859-1917), aniciador del Esperanto, polo que tamién recibe n'ocasiones el nome de Día de Zamenhof', y constituye la conmemoración más ampliamente cellebrada na cultura esperantista. Nesi día (o n'otro d'esa selmana) los esperantistas de tol mundiu organizan alcuentros para festexar la ocasión. L'ideariu del Esperanto y la proximidá d'esti día con la Navidá, propicien que los asistentes intercambien regalos (preferiblemente llibros escritos n'Esperanto) y felicitaciones. Ye frecuente que mientres estos alcuentros se celebren tamién conferencies y charres sobre L. L. Zamenhof.
Orixe de la tradición
La tradición orixinóse nos años 20 del pasáu sieglu, cuando, conforme a la propuesta de diversos intelectuales y activistes (ente ellos Julio Baghy y Nikolao Nekrasov), el 15 d'avientu foi adoptáu como día de celebración pola comunidá esperantista. Nun principiu se celebraba como esaltación de la cultura n'esperanto, y especialmente de la so lliteratura, y por esta razón tovía güei se le conoz tamién dientro del mundiu esperantista como Día del Llibro n'Esperanto (Tago de la esperanto-libro). D'esti mou s'anima a los grupos llocales qu'organicen alcuentros durante esi día, a que añadan reseñes de llibros o llectures de poemes al programa, y a anunciar les novedaes editoriales.
Enllaces esternos
- Día de Zamenhof 2006 Vidéu de la celebración del Día de Zamenhof en'Albersdorf, Alemaña
- Celebración nel 2008