Menhir

Spellenstein en En Rentrisch (Alemaña), de 5 metros d'altor.

Un menhir ye la forma más senciella de monumentu megalíticu. Consiste nuna piedra polo xeneral allargada, en brutu o mínimamente tallada, dispuesta de manera vertical y col so parte inferior soterrada nel suelu pa evitar que caya.

Etimoloxía

El términu ye orixinariu d'Inglaterra y resulta de la unión de dos palabres del idioma bretón: men («piedra») y hir («llarga»). Foi adoptáu polos arqueólogos nel sieglu XIX.

)

== Descripción y finalidá denominar menhir a un únicu megalitu prehistóricu nada o apenes trabayáu. Dalgunos presenten grabáus. Otros tán esculpíos, de cutiu antropomórficamente, anque nesti casu cabo falar de cercos o ídolus y non de menhires en sentíu estrictu. El so tamañu varia, dende pequenes roques que namá s'estremen d'otres piedres por formar parte d'alliniadures o crómlecs, hasta dellos monolitos bretonos (Kerloas, Champ-Dolent, Grand Menhir Brisé) con un altor de más de 10 metros.

Desconócense los significaos rituales concretos qu'inspiraron l'alzamientu y disposición de los menhires neolíticos, formulándose en redol a ello conxetures más o menos ellaboraes y con mayor o menor rigor científico. Namá sabemos con seguridá que yeren, como otros monumentos similares de la dómina, construcciones funeraries. A los sos pies suelen topase tumbes con restos o cenices de difuntos, cerámiques, etc. Los grandes conxuntos megalíticos seríen necrópolis y los menhires desempeñaríen el papel de llábanas venceyaes a la conmemoración y el cultu de los antepasáus. Ciertos menhires podríen ser tributos a les divinidáye o, nel casu de los menhires esculpíos, representaciones de les mesmes.

Caso aparte son ciertos menhires europeos cristianizados que les sos cruces y/o escenes bíbliques tallaes amuesen cómo esta relixón asimiló o reutilizó monumentos acomuñaos a dómines y creencies anteriores.

Alliniadures de Carnac, Francia.

Distribución

Abonden en Europa de resultes del fenómenu históricu del megalitismo, pero la so estensión xeográfica ye prácticamente universal: India, Siria, el Cáucaso, Crimea, mariña septentrional del mar Negru, Bulgaria, China, Xapón, Mongolia, Rusia, Polinesia, norte de África, España, Portugal, Francia, Gran Bretaña, suroeste de Suecia, Dinamarca, Holanda, Bélxica, norte d'Alemaña, Australia (megalitos aboríxenes), Colombia, Arxentina,Venezuela etc. En Italia namá s'atopen na provincia de Otranto y nun esisten en Grecia.

Vease tamién

• Monolitu
• Dolmen
• Crónlech
• Megalitismo

Enllaces esternos

• Wikimedia Commons tien conteníu multimedia tocante a Menhir.

• Wikcionariu tien definiciones y otra información tocante a menhir.