Escudu de Vilanova d'Ozcos

L'escudu del conceyu asturianu de Vilanova d'Ozcos, n'usu ensin sanción llegal nin alcuerdu de la so corporación, toma'l so formato de la obra "Asturias" de Bellmunt y Canella, quienes recueyen coses representatives del conceyu.

El so escudu ye mediu partíu y curtiáu.

• El primer cuartel partíu, amuésanos sobre campu d'Azur, la cruz de los Ánxeles de la illesia d'Uviéu.

• El segundu cuartel partíu, vemos un castiellu flanquiáu por dos espigues, del que sal un águila negra surmontada del cuernu de l'abondanza y que simboliza al antiguu gran conceyu de Castropol.

• El tercer cuartel curtiáu, amuésanos la representación del monesteriu cisterciense que dirixó'l camín del conceyu per sieglos. N'elli podemos ver el brazu d'un monxe sosteniendo un blagu de'oru y acompañáu de dos flores de lis.

Diagonalmente y d'arriba abaxo, adicamos una banda xaquelada de plata y gules, viendo na porción inferior una cruz y una mitra.

Al timbre la corona real, abierta.

Esti escudu ye una amuesa d'arguyu mui común dientro de les families nobles y burgueses de la época.