Escudu de Cangues d'Onís

L'escudu de Cangues d'Onís ye de creación reciente, anque esisten otros dos más antiguos que tán nel Archivu de la Xunta Xeneral del Principáu. Nun tien una sanción llegal pola casa conceyu.

Ta formáu por una ponte románica d'oru, que fai referencia al esistente na so capital. Superáu por una cruz llatina, na so base sal una bellota y una fueya de carbayu, que simboliza la cruz de la Victoria nel so estáu primitivu, enantes de ser recubierta. A los sos pies una lluna menguante en plata, ta invertida pues simboliza la victoria sobre los musulmanes nel 721.

Bordura xeneral n'oru que fai referencia a l'antigua capital de Cangues d'Onís, primera capital del Reinu d'Asturies.

Al timbre corona real zarrada.

• Esti artículu amiesta material de la Fedaración asturiana de conceyos, que per aciu d'una autorización permitió agregar conteníu y espublizalu baxo llicencia GFDL.