Euskal Telebista

Euskal Telebista (ETB), n'asturianu Televisión Vasca, ye l'ente públicu de televisión perteneciente al grupu Euskal Irrati Telebista (Radio Televisión Vasca), consorciu dependiente del Parlamentu Vascu. La primer emisión foi el 31 d'avientu de 1982 al traviés de la primer canal ETB 1. D'esta manera conviertiose na primer canal de televisión n'emitir n'eusquera, dedicando la totalidá de les sos emisiones a esta llingua. Más tardi, en 1986, xurde la segunda canal de l'ente baxo'l nome d'ETB 2, con una programación dirixía al públicu castellanofalante. Nun será hasta llegáu 2001 cuando lleguen dos nuevos canales: l'internacional ETB Sat, n'emisión pa toa Europa al traviés del satélite Astra; y el Canal Vascu, dirixíu al público del continent americanu. Estes dos señales internacionales emiten una programación billingüe n'eusquera y castellanu.

La señal analóxica d'ETB 1 y ETB 2 cubre tol territoriu del País Vascu, amás del País Vascu francés y les zones limítrofes de La Rioxa, Aragón, Castiella y Llión y Cantabria.

Dende 2005, Euskal Telebista emite la señal de les sos cadenes al traviés de la TDT. A estes emisiones sumaríase nel añu 2008 ETB 3, dirixía al públicu mozu. Tamién ta previsto qu'entame les sos emisiones la canal ETB 4, que completará la oferta televisiva del grupu y que previsiblemente será una canal deportiva.

Enllaces esternos

• Páxina de la Radio Televisión Vasca (en castellanu, eusquera, inglés y francés)