Chorizu

Riestra de chorizu

El chorizu ye l'embutíu típicu por escelencia. Ye una mena de salchicha curao (bien al aire, bien afumao) y que ta ellaborada a partir de (magar que non esclusivamente) la carne del gochu picao y adobao nuna desca con especies, siendo la más carauterística el pimentón, que ye l'elementu más distintivu del chorizu frente a otres salchiches, y tamién el que-y da el so color carauterísticu roxu. El pelleyu d'esta mena de salchicha suel ser la envasa o tripu de xatu. La carne picao y yá adobao ponse a curar dientru la envasa faciendo riestres.

Denómase dolcu a la pieza de chorizu zarrada en redondo.

Gastronomía

El chorizu ye una parte importante na gastronomía Asturiana, darréu del calter ganaderu de les sos xentes, y yeren abondo importantes tolos productos y subproductos sacaos de la matanza. Asina, nun s'atalanta fabada nin pote que nun lleve chorizu, asina como la pegarata, (empanada de pascua) o el rapón (Torta de maíz amasao con agua, sal cebolla y tocín, cortao mui pequeño que se mete al fornu sobro fueyes de berza)