Non metal

Los non metales son una de les tres categoríes d'elementos químicos xunto colos metales y los metaloides, siguiendo una clasificación según les propiedaes d'enllaz y ionización. Carauterícense por presentar una alta electronegatividá, polo que ye más fácil que ganen electrones a que los pierdan.

Estrictamente falando, los elementos d'esta serie química son: hidróxenu (H), carbonu (C), nitróxenu (N), fósforu (P), oxíxenu (O), azufre (S) y seleniu (Se). Sicasí, nun sentíu más ampliu, tamién suelen amestase nel términu de non metales les series químiques de los halóxenos y de los gases nobles.

Sacante l'hidróxenu, tán toos allugaos na tabla periódica nel elementos del bloque p. L'hidróxenu normalmente allúgase enriba los metales alcalinos, pero suel comportase como un non metal.

Un non metal suel ser aislante o semiconductor de la lletricidá. Los non metales suelen formar enllaces iónicos colos metales, ganando electrones o enllaces covalentes con otros non metales, compartiendo electrones. Los sos óxidos son ácidos.

Los non metales constitúin la mayor parte de la Tierra, sobre manera les capes más esternes, y los organismos tán compuestos na so mayor parte por non metales. Dellos, en condiciones normales, son diatómicos n'estáu elemental: H₂, N₂, O₂, F₂, Cl₂, Br₂ y I₂.

1		13	14	15	16	17
H Hidróxenu	X xxxxxxxxx	B Boru	C Carbonu	N Nitróxenu	O Oxíxenu	F Flúor
X xxxxxxxxx	X xxxxxxxxx	Al Aluminiu	Si Siliciu	P Fósforu	S Azufre	Cl Cloru
X xxxxxxxxx	X xxxxxxxxx	Ga Galiu	Ge Xermaniu	As Arsénicu	Se Seleniu	Br Bromu
X xxxxxxxxx	X xxxxxxxxx	In Indiu	Sn Estañu	Sb Antimoniu	Te Teluriu	I Yodu
X xxxxxxxxx	X xxxxxxxxx	Tl Taliu	Pb Plomu	Bi Bismutu	Po Poloniu	At Astatu