Borbonés

El Borbonés (Bourbonnais /burbonɛ/ en francés, Borbonés /burbunej/ o Barbonés /barbunej/ n'occitanu), ye una antigua provincia del centru de Francia. Correspuende grosso modo al actual departamentu del Allier y a una parte del Cher, alredor de Saint-Amand-Monrond

Llingüísticamente, la rexón ta dividida en dos partes: el norte (comprendiendo les ciudaes de Moulins y Saint-Amand-Monrond) utiliza tradicionalmente un dialectu d'oïl conocíu como borbonés. En cambiu, el sur del territoriu, incluyendo les ciudaes de Gannat, Vichy y Montluçon ye de llingua occitana.

La provincia toma'l nome del castiellu de Borbón (anguaño Bourbon-l'Archambault), posesión de la familia que gobernó la señoría a partir del sieglu X. Esta familia ta nel orixe de la casa de Borbón, qu'ocupó en diferentes époques los tronos de Navarra, Francia, España o'l reinu de les dos Sicilies.