Imperiu romanu

Mapa de l'Imperiu Romanu al rodiu del añu 117 d.C.

L'Imperiu Romanu foi una dómina de la civilización romana n'Antigüedá clásica carauterizada por una clas de gobiernu autocrática. La nacencia de l'imperiu vien precediu pola expansión de la so capital, Roma que enantó'l so control alrodiu del Mar Mediterraneu. Baxu la dómina imperial los dominios de Roma continuarpon enantando, aportando al so cénit baxo el reinau de Traxanu, yendo dende'l Océanu Atlánticu al oeste fasta les veres del Mar Prietu, o Mar Roxu y el Golfu Pérsicu al este, y dende'l desiertu del Sáḥara al sur fasta les tierres de biesques a les veres de los ríos Rin y Danubio y la fastera con Caledonia al norte. La so superficie máxima estimada sedría d'unos 6,14 millones de km².

El términu ye la traducción de l'expresión llatina Imperium Romanum. Polibiu foi unu de los primeros cronistas en documentar l'expansión de Roma inda como República. En cuasi tres sieglos denantes de César Augustu, Roma consiguiera numberosos dominios en forma de provincies direutamente baxu alministración senatorial o baxu xestión consular, y tamién gracies a pautos d'adhesión como protectorados d'estaos.