Muhammad Ali

Ali.

Muhammad Ali-Haj (17 de xineru de 1942), nacíu col nome de Cassius Marcellus Clay Jr. En Louisville (Kentucky), ye un boseador estaunidense, actualmente retiráu. Foi conocíu como “El Más Grande”. Ta consideráu por munchos como'l meyor de tolos tiempos na categoría de los pesos pesaos. Tamién destacó pol activismu políticu y la llucha po los derechos civiles. En 1999, foi nomáu "Deportista del Sieglu" pola revista "Sports Illustrated".

Entamos

Cuando tenía 12 años, robáron-y la so bicicleta, fechu que denunció a un policía llamáu Joe Elsby Martin (que yera l'entrenador del programa de boséu de Louisville). Foi Martin el qu'aconseyó a Cassius pa qu'entamara a pelear. Al día siguiente, Clay apaeció nel Louisville's Columbia Gym y entamó llecciones de boséu con Martin. Baxo la so tutela Clay medró bien ceo nes categoríes inferiores del boséu.

Clay ganó 6 veces los guantes doraos de Kentucky, y graduóse a pesar de les sos baxes notes. Previendo'l futuru, el director anunció nuna ocasión al restu de los profesores de la escuela que Clay dalgún día fairía famosa a la institución. Tiempu depués, el boseador fairía chancia sobre'l so probe historial académicu al afirmar: "Dixe que yera'l más grande, non el más intelixente".

El profesionalismu

Nos Xuegos Olímpicos de Roma de 1960, obtuvo la medaya d'oro na categoría de pesos lixeros. Darréu, pasó al profesionalismu baxo la tutela d'otra llienda del boséu: Angelo Dundee. Clay algamó bien ceo sonadía pol so estilu poco ortodoxu pa un pesupesáu, los sos resultaos espectaculares y la so constante autopromoción. Munches veces recitaba poemes compuestos por él mesmu nos que mencionaba en qué round noquearía al so oponente. Per otru llau, yeren reconocíes les sos allabances a sí mesmu, con frases como "soi'l más grande" o "soi mozu, guapu, rápidu y naide me pue vencer".

El 29 d'ochobre de 1960, en Louisville, obtuvo la so primera victoria como profesional. Foi por puntos, nuna pelea a 6 rounds enfrentándose a Tunney Hunsaker, que yera'l xefe de policía de Fayetteville, West Virginia. Ente 1960 y 1963, un Clay mozu algamó un récord de 19-0, incluyendo 15 knockouts. Derrotó a boxeadores del altor de Tony Esperti, Jim Robinson, Donnie Fleeman, Duke Sabedong, Alonzo Johnson, George Logan, Willi Besmanoff y Lamar Clark (que ganara les sos 40 pelees anteriores por knockout).

Ente les victories más notories de Clay nesta dómina, deben resaltase les disputaes con Sonny Banks (que consiguió tirar a la lona a Cassius durante la pelea), Alejandro Lavorante, y Archie Moore (una leyenda del boxeo que tenía nel so haber 200 victories). Extrañamente, tanto Banks como Lavorante morrieron nel ring en combates posteriores. Cassius tresformóse nel contendiente númberu uno pol títulu que nesi tiempu ostentaba Sonny Liston. Liston yera temíu y respetáu, y prácticamente naide daba al xoven boxeador oportunidaes de derrotar al campeón. Liston non sólo consiguiera la corona al noquear nel primer asaltu a Floyd Patterson, sinon que tamién lu frayó na revancha. Igualmente despachó pola vía rápida a Cleveland Williams, Nino Valdés y Zora Folley. Sin embargo Cassius venciólu en gran forma.

Ali retiróse dafechu en 1981, con una carrera record de 56 victories (37 por KO) y 5 derrotes.