Diferencies ente revisiones de «Conseyu Soberanu d'Asturies y Llión»

De Wikipedia
Contenido eliminado Contenido añadido
Sin resumen de edición
Llinia 2: Llinia 2:
[[Imaxen:Acta1.jpg|right|thumb|250px|Semeya del Conceyu Soberanu, el so presidente Belarmino Tomás en mediu.]]
[[Imaxen:Acta1.jpg|right|thumb|250px|Semeya del Conceyu Soberanu, el so presidente Belarmino Tomás en mediu.]]
-->
-->
[[Imaxen:Coat of Arms of the Council of Asturias and León (1936-1937).svg|230px|right]]
El '''Conseyu Soberanu d'Asturies y Llión''', foi'l muérganu alministrativu que socedió al [[Conseyu Interprovincial d'Asturies y Llión]] y que taba presidíu pol socialista asturianu [[Belarmino Tomás]] que llegó a pidir l'ingresu na [[Sociedá de Naciones]].
El '''Conseyu Soberanu d'Asturies y Llión''', foi'l muérganu alministrativu que socedió al [[Conseyu Interprovincial d'Asturies y Llión]] y que taba presidíu pol socialista asturianu [[Belarmino Tomás]] que llegó a pidir l'ingresu na [[Sociedá de Naciones]].



Revisión a fecha de 04:18 2 xin 2013

El Conseyu Soberanu d'Asturies y Llión, foi'l muérganu alministrativu que socedió al Conseyu Interprovincial d'Asturies y Llión y que taba presidíu pol socialista asturianu Belarmino Tomás que llegó a pidir l'ingresu na Sociedá de Naciones.

Declaración de Soberanía

El 24 d'agostu de 1937 fírmase'l decretu qu'afita la soberanía de los territorios alministraos pol Conseyu Interprovincial d'Asturies y Llión pasando a ser entoncienes el Conseyu Soberanu d'Asturies y Llión. El 26 d'agostu saldrá espublizáu na prensa [1] dicho decreto. Suel dase la fecha del 25 d'agostu como la qu'entró en vigor la declaración de soberanía del Conseyu.

  • El testu constitucional del conseyu entamaba asina:

"Artículu 1u.– El Conseyu d'Asturies y Llión, dende la fecha y hora d'esti Decretu, constitúise en Conseyu Soberanu de gobiernu de tol territoriu de la so xurisdicción, y a elli queden dafechamente sometíes toles xurisdicciones y organismos civiles y militares que funcionen y funcionaren no socesivo dientro del territoriu referíu.

Artículu 2u.– El propiu Conseyu Soberanu, a la vista los acontecimientos favoratibles que se produzan nel trescursu de la guerra, determinará'l momentu de dexar les sos funciones soberanes que güei asume.

Artículu 3u.– D'esti Decretu daráse cuenta al gobiernu la República pa la so convalidación; ensin perxuiciu de la so absoluta vixencia, impuesta pol imperiu les circunstancies, dende esti mesmu momentu de la so promulgación.

Dáu en Xixón, a venticuatro hores del día venticuatro d'agostu de mil novecientos treinta y siete."

Reaiciones Polítiques

Esta declaración nun se fexo ensin polémiques tanto internes (dientro del Conseyu) como esternes (nos gobernantes de la Republica española). La propuesta féxola Belarmino Tomás en xunta estraordinaria y tamién al sofitaben la mayoría de dirixentes del PSOE y por Segundo Blanco y otros responsables de la CNT. El PCE taba a la escontra de la decisión. Los dos representantes de la UGT tuvieron una opinión diferente caún. Los conseyeros d'Izquierda Republicana reprobaron la decisión. Les tensiones llevaron a enfrentamientos ente dalgunos conseyeros que llegaron a los insultos personales. El xefe del exercitu y el comisariu políticu nelli tamién veíen bien el convertise en soberanu.

D'otra miente'l Gobiernu la República censuró l'actitú del Conseyu Soberanu, sobremanera cuando ésti se dirixó a la Sociedá de Naciones. El Ministru de la Gobernación tresmitió a Belarmino Tomás la "so sospresa y el so disgustu". El ministru de Defensa de la República Indalecio Prieto calificó de "disparatada" la decisión y el mesmu Presidente Manuel Azaña criticó la declaración. El gobiernu la Republica llegó a pedir a Belarmino Tomás que se presentare ente elli yendo a la fin los conseyeros Segundo Blanco y Amador Fernández "Amadorín". El conceyu nun fizo que se camudare denguna decisión. Llegó a convocase una xunta del Parllamentu pa tratar la cuestión d'Asturies anque nun llegó a cellebrase polos acontecimientos bélicos.

Composición

El Conseyu d'Asturies y Llión dende l'entamu taba conformáu por miembros del PSOE, PCE, Izquierda Republicana, Mocedaes Socialistes Unificaes, Mocedaes llibertaries, FAI, UXT y CNT. Los miebros del Conseyu Soberanu d'Asturies y Lleón son los que vienen darréu:

Cargu Nome Organización
Presidencia y Guerra Belarmino Tomás PSOE
Industria Segundo Blanco CNT
Trabayu Onofre García FAI
Sanidá Ramón G. Posada JJ LL
Facienda Rafael Fernández JSU
Xusticia y Orden Públicu Luis Roca de Albornoz /
Rafael Fernández
JSU
Agricultura Gonzalo López PCE
Marina Mercante Valentín Calleja UGT
Pesca Ramón Álvarez Palomo FAI
Instruición Pública Juan Ambou PCE
Obres Públiques José Maldonado Izq. Rep.
Asistencia Social Maximiliano Llamedo CNT
Comerciu Amador Fernández PSOE
Comunicaciones Avelino Roces UGT
Propaganda Antonio Ortega Izq. Rep.

Organización

Una vez soberanu, el Conseyu asumió plenes responsabilidaes civiles y militares de gobiernu.

El Conseyu Soberanu caltuvo les conseyeríes que veníen furrulando enantes de la soberanía:

  • Guerra
  • Comerciu y Mines
  • Marina
  • Facienda
  • Xusticia
  • Comunicaciones
  • Agricultura
  • Istrucción Pública
  • Industria
  • Sofitu Social
  • Trabayu
  • Pesca
  • Sanidá Civil
  • Obres públiques
  • Propaganda

Pa coles conseyeríes crearanse agora unes Comisiones:

  • Guerra
  • Industries y fortificaciones
  • Abastos, Tresportes y Evacuación
  • Sofitu Social y Sanidá
  • Orde Públicu, Xusticia, Propaganda y Comunicaciones;
  • Economía

Actuaciones

Dende la declaración de Soberanía'l Conseyu toma delles midíes nos diferentes campos xurdíos de "constitúise en Conseyu Soberanu de gobiernu de tol territoriu de la so xurisdicción, y a elli queden dafechamente sometíes toles xurisdicciones y organismos civiles y militares". Por exemplu nel tarrén xudicial creáronse Tribunales Permanentes de Guerra les penes nestos tribunales y nel Tribunal Popular yá nun necesitaron de notificación al gobiernu español valiendo pal so cumplimientu la notificación al Conseyu d'Asturies. Nél ámbitu militar el Conseyu Soberanu quitó-y el mandu al xeneral Gámir Urribarri que tenia la xefatura del Exercitu del Norte nomando xefe militar al coronel Adolfo Prada Vaquero. El Conseyu Soberanu tomará tamién midies de control de fronteres y aduanes.

D'otra miente el Conseyu d'Asturies y Lleón yá enantes de la declaración de soberania emitía moneda y sellos. Nesti puntu hai alderique sobre el Conseyu tendría o non capacidá llegal o competencies pa facelo. El casu ye que'l Conseyu Soberanu emitió billetes divisionarios [2] Los billetes son los conocíos popularmente como Belarminos de cursu llegal fasta la ocupación d'Asturies pol exercitu de Franco.

Disolución

Nos tiempos finales el Conseyu Soberanu d'Asturies y Llión tuvo la so sé na conocía como Casa Blanca, tovía güei na Plaza'l Parchis de Xixón. El conseyu Sobernu disolvióse tres la ocupación total de les fuercies franquistes d'Asturies. Dende'l Conseyu Soberanu teníase la esperanza na llegada l'iviernu un mediu meyor pa la resistencia pola importancia de la orografía asturiana, esi añu la ñeve tardó en cayer. La situación militar tornóse insostenible pal Conseyu que a la fin intentó apautar una rendición con Francisco Franco que namái aceutaba una rendición incondicional. El 20 d'ochobre de 1937 acabó la resistencia. Los miembros del Conseyu tuvieron que fuxir embarcando camín de Francia.

Cronoloxía

  • 24 d'agostu: Firmase'l decretu pol que'l Conseyu Interprovincial tresfórmase en Conseyu Soberanu.
  • 25 d'agostu: Entra en vigor el decretu anterior.
  • 26 d'agostu: Espublización en prensa del decretu.
  • 29 d'agostu: El Conseyu Soberanu cesa al xeneral Gámir Ulíbarri y noma xefe militar al coronel Prada.
  • 4 de setiembre: Les tropes franquistes entren n'Asturies.
  • 5 de setiembre: Ocupación de Llanes.
  • 20 de setiembre: Aranda ocupa el Puertu Payares.
  • 1 d'ochobre: Ocupación de Cuadonga.
  • 17 d'ochobre: La 4ª Brigada navarra altraviesa el ríu Seya. El Conseyu Soberanu decide la evacuación del territoriu.
  • 20 d'ochobre: Últimu aconceyamientu del Conseyu Soberanu. Entama la evacuación marítima dende Xixón.
  • 21 d'ochobre: Las tropes del denomáu exercitu nacional entren en Xixón y Avilés, finalizando la ocupación d'Asturies y derrocando el Conseyu Soberanu.

Enllaces esternos

Notes

Bibliografía