Dubái

Dubai (doráu n'árabe:دبيّ) ye ún de los siete emiratos qu'integren dende 1971 los Emiratos Árabes Xuníos, tamién ye una ciudá de los Emiratos Árabes Xuníos. La so población puxa a 1.422.000 habitantes.

Dubai ye famosa pol so aeropuertu y l'hotel Burj al-Arab.

Nel emiratu nos caberos años construyéronse grandes rascacielos (ente los que s'atopa'l Burj Khalifa, anguaño en construcción y que seldrá, cuando se fine, la construcción más alta del mundiu), y camudose nuna puerta perimportante pal Occidente. Amás, cellébranse abondes convenciones y conferencies internacionales y una de les sos grandes fontes d'ingresos ye'l turismu, especialmente el de luxu. Dientro de los grandes proyeutos d'urbanización y de turismu, asina como de vivienda de luxu, atópanse les Palm Islands, con tres ambientes dixebraos; en Jumeirah, que ye'l primeru de los proyeutos; en Jevel Ali, que ye'l segundu (50% más grande) y Deira que seldrá tres vegaes mayor que'l primeru. Aasina mesmu The World, compuestu por 300 islles d'area artificial que seldrán ocupaes por residencies, centros comerciales y por hoteles de cincu estrelles.

Amás, en Dubai realízase cada añu la Dubai World Cup, el mítin internacional de carreres de caballos que reparte los mayores premios del mundiu.

Dubai foi gobernáu fasta 2005 por Mohamed Bin Rachid al Maktum, que exercía tamién comu Vicepresidente y Primer Ministru de los EAU.

Curiosidaes

• Los residentes tienen agora que pidir permisu a los sos xefes p'algamar un carné de conducir, si non disponen d'un emitíu nel extranxeru.

• Tamién, los non musulmanes,deben tener un carné col permisu del so xefe pa poder mercar bebies alcohóliques,ya qu'éstes nun se pueden mercar en cualquier supermercau, sinon en tiendes especializaes qu'esixen esti carné.

• Wikimedia Commons tien conteníu multimedia tocante a Dubai.