Diferencies ente revisiones de «Historia de la medicina»

De Wikipedia
Contenido eliminado Contenido añadido
m r2.7.1) (Robó: Añadiendo ko:의학사
MerlIwBot (alderique | contribuciones)
m Robó: Desaniciando pl:Historia medycyny (deleted)
Llinia 43: Llinia 43:
[[nl:Geschiedenis van de geneeskunde]]
[[nl:Geschiedenis van de geneeskunde]]
[[no:Medisinens historie]]
[[no:Medisinens historie]]
[[pl:Historia medycyny]]
[[pt:História da medicina]]
[[pt:História da medicina]]
[[ro:Istoria medicinii]]
[[ro:Istoria medicinii]]

Revisión a fecha de 16:53 4 avi 2012

Lleición d'Anatomía del Dr. Willem van der Meer, pol pintor holandés Michiel Jansz van Mierevelt (1617).

La historia de la medicina ye la rama de la historia dedicada al estudiu de les conocencies y práctiques médiques a lo llargo del tiempu.

Dende los sos anicios, el ser humanu trató d'esplicase la realidá y los acontecimientos trascendentales que nella tienen llugar como la vida, la muerte o la enfermedá.

Les primeres civilizaciones y cultures humanes basaron la so práctica médica en dos pilastres aparentemente opuestos: un empirismu primitivu y de calter pragmáticu (aplicáu fundamentalmente al usu de yerbes o remedios llograos de la naturaleza) y una medicina máxico-relixosa, que recurrió a los dioses pa intentar entender lo inesplicable.

Con Alcmeón de Crotona, nel añu 500 e.d.C., diose entamu a una etapa basada na tekhne ("técnica"), definida pol convencimientu de que la enfermedá aniciábase por una serie de fenómenos naturales susceptibles de ser modificaos o revertíos.

Esi foi'l xerme de la medicina moderna, anque a lo llargo de los siguientes dos milenios van surdir otres munches corrientes (mecanicismu, vitalismu...) y van incorporase modelos médicos procedentes d'otres cultures con una llarga tradición médica, como la china.

A finales del sieglu XIX los médicos franceses Bérard y Gubler resumíen el papel de la medicina hasta esi momentu: "Curar poques vegaes, solliviar de cutiu, consolar siempres".

La medicina del sieglu XX, impulsada pol desenvolvimientu científicu y técnicu, foise consolidando como una disciplina más escuédiga, anque ensin dexar de ser el frutu sinérgico de les práctiques médiques esperimentaes hasta esi momentu: la medicina científica, basada na evidencia, sofítase nun paradigma fundamentalmente bioloxicista, pero almite y propón un modelo de salú-enfermedá determináu por factores biolóxicos, sicolóxicos y socioculturales.

La Organización Mundial de la Salú definía en 1948 la salú como "un estáu completu de bientar físico, mental y social, y non solo l'ausencia d'enfermedá".

Ver tamién