Llei de Boyle-Mariotte

La Llei de Boyle-Mariotte formulada pol irlandés Robert Boyle (en 1662) y el francés Edme Mariotte (en 1676), ye una de les lleis de los gases ideales que rellaciona el volume y la presión d'una cierta cantidá de gas caltenida a temperatura constante, y diz que'l volume ye inversamente proporcional a la presión: $PV=k\,$

onde $k\,$ ye constante si la temperatura y la masa del gas afonden constantes.

Cuando aumenta la presión, el volume disminúi, mientres que si la presión disminúi el volume aumenta. El valor exactu de la constante k nun ye necesario conocelu pa poder facer usu de la Llei; si consideramos dos situaciones d'un gas, calteniendo constante la cantidá de gas y la temperatura, deberá cumplise la rellación:

$P_{1}V_{1}=P_{2}V_{2}\,$

Esta Llei ye una simplificación de la Ley de los gases ideales particularizada pa procesos isotermos.

Xunto cola llei de Charles y Gay-Lussac y la llei de Graham, la llei de Boyle-Mariotte forma les lleis de los gases, que describen la conducta d'un gas ideal. Les tres lleis pueden ser xeneralizaes na ecuación universal de los gases.

Ye Guillaume Amontons el que precisa en 1702 qu'esta llei nun ye válida más qu'a temperatura constante y ye más precisa a baxes presiones.