Bretaña

Pa otros usos del nome Bretaña mirar en Bretaña (dixebra)

Bretaña ye una rexón del Oeste de Francia con una llarga costa ente la Canal de la Mancha y l'Océanu Atlánticu. El so nome, ye Bretaña y Breizh, normalmente abreviao BZH. Los sos habitantes llámense bretones. La Bandera de Bretaña tien el nome de Gwenn-ha-du, qu'en bretón quier dicir la blanca y prieta.

Bretaña
Información
Capital:	Rennes (Roazhon en bretón)
Población  - Total  - Densidá	2 972 700 hab. (2003) 107 hab/km²
Superficie	27 208 km²
Distritos	15
Cantones	201
conceyos	1 268
Presidente del conseyu rexonal	Jean-Yves Le Drian
Departamentos
Aodoù-an-Arvor (Côtes-d'Armor, 22) Il-ha-Gwilen (Ille-et-Vilaine, 35) Mor-Bihan (Morbihan, 56) Penn-ar-Bed (Finistère, 29)
Llocalización

Historia

Dempués de la conquista de la Galia polos Romanos, Bretaña yera parte de la Armórica (aremoricae – "que ta escontra la mar"). Cerca de 500 d.C., los bretones de la islla de Bretaña (la Gran Bretaña d'anguaño), atacaos polos saxones emigraron pa lo que agora ye Bretaña, llevando les sos costumes y llingua. La rexón pasó a Bretaña cola so llegada. Nel entamu de la Edá Media, Bretaña foi dividida en tres reinos - o Domnonée, a Cornualla, y Bro Waroch - que foron incorporados al Ducáu de Bretaña.

El Ducáu de Bretaña foi independiente del Reinu de Francia fasta 1532. Guardó los sos privilexos (llexislación ya impuestos proprios) fasta la Revolución Francesa. La Bretaña hestórica, que tuvo por capital Nantes qu'agora nun pertenez a ella, foi dividida en 1790 en cinco departamentos:

• Côtes-du-Nord (Anguaño, Côtes-d'Armor)
• Finisterre
• Ille-et-Vilaine
• Morbihan
• Loire-Inferior (Anguaño, Loire-Atlantique)

Política

Cola creyación de les rexones alministratives franceses, en 1956, namás los cuatro primeros departamentos formen parte de la Bretaña alministrativa. El Liger-Atlantel (Loire-Atlantique) incluído nel País del Loire. Esti cambiu foi contestáu, ya inda lo ye, por una parte de los bretones. D'alcuerdu con un sondéu de 1998, el 62% de los habitantes de Liger-Atlantel queríen la xunión alministrativa del so departamentu a Bretaña.

Llingua

Bretaña ta compuesta, en terminos históricos, por dos áries llingüístiques: la Baxa Bretaña o Breizh Izel, al oeste (Finistère, Morbihan y la parte occidental de Côtes d’Armor) aú se fala una llingua céltica, del grupu britónicu (emparentáu al galés y al córnicu) nomáu bretón (o bretón armóricu); y l'Alta-Bretaña o Breizh Uhel, al este (Ille et Vilaine, Côtes d’Armor e Loire Atlantique) aú se fala una llingua romance (llingua d’oïl) conocida como galó. La hexemonía ya imposición de la llingua francesa cuasi fai desapaecer estes llingües, como yá asocedió con otres llingües rexonales, sobre too a partir de la fin del sieglu XIX.