Charles Dickens

Retratu de Dickens

Charles John Huffam Dickens (* Portsmouth, Inglaterra, 7 de febreru de 1812 – Gadshill Place, Inglaterra, 9 de xunu de 1870) foi un famosu novelista inglés, unu de los más conocíos de la lliteratura universal, y el principal de la era victoriana. Supo manexar con maestría'l xéneru narrativu, con humor ya ironía, y una aguda crítica social. Na so obra destaquen les descripciones de xente y llugares, tanto reales como imaxinarios. Utilizó delles vegaes el nomatu Boz.

Les sos noveles y relatos curtios disfrutaron de gran popularidá en vida del escritor, y tovía anguaño s'editen continuamente. Dickens escribió noveles por entregues, el formatu usual na ficción na so dómina, pola simple razón de que non tol mundu tenía los recursos económicos necesarios pa mercar un llibru, y cada nueva entrega de les sos histories yera esperada con gran entusiasmu polos sos llectores, nacionales y internacionales. Dickens foi y sigue siendo veneráu como un ídolu lliterariu por escritores de tol mundu.

Enllaces esternos

• Obres de Charles Dickens: testu, y llista de frecuencia
• Biografía de Charles Dickens en MundoLiteratura