Arcu iris llunar

Semeya d'arcu iris llunar.

Un arcu iris llunar (tamién conocíu como arcu iris blancu o, cenciellamente, arcu llunar) ye un arcu la vieya qu'asocede pola refraición de la lluz, nesti casu llunar, sobre una agua o nublina nocherniega. Los arcos iris llunares son relativamente tenues, por cuenta de la escasa cantidá de lluz que llega dende la Lluna. Como los arcos iris, los arcos llunares atópense siempres nel llau opuestu del cielu dende'l que llega la lluz de la lluna.

Condiciones

Les meyores condiciones por que se produza un arcu iris llunar son:

• Cielu estenu.
• Lluna llena (cuando la lluz de la lluna ye más brillosa).
• Xusto dempués del tapecer vespertín o antes del tapecer matutín (cuando la lluna inda ta baxa).
• Abondosu mugor (polo que ye más fácil velos en tabayones).
  

Ye difícil estremar los colores nun arcu iris llunar porque la lluz ye xeneralmente demasiáu débil pa escitar los conos receptores de colores del güeyu. Sicasí, les cámares fotográfiques sí son capaces de captar los distintos colores.

Vease tamién

• Arcu la vieya
• Arcu iris de borrina

Enllaces esternos

• Wikimedia Commons acueye conteníu multimedia sobre Arcu iris llunar.