Dólar xamaicanu

El dólar xamaicanu (abreviáu JMD) foi la moneda de Xamaica dende 1969. La so abreviatura ye'l signu del dólar $, o, J$, JA$ pa desemeyalu del dólar estaunidense y de otres menes de dólares. El códigu ISO 4217 ye JMD. Subdivídese en 100 céntimos. Enantes de Mayu de 1972, la moneda de les Islles Caimán (territoriu d'ultramar de Reinu Xuníu) yera la propia de Xamaica que nun primer momentu se denomó llibra xamaicana pa pasar llueu a denomase dólar xamaicanu.

El 30 de xineru de 1968, la Cámara de Representantes de Xamaica votaba la introduccion del dólar, que sostituiría a la Llibra xamaicana. El nuevu dólar nun s'usó namái por Xamaica sinón que tamién poles Islles Caimán, antigua dependencia xamaicana, hasta 1972. Nesa data, el territoriu británicu dexó d'usar el dólar xamaicanu y entamó a usar la so propia moneda, el dólar de les Islles Caimán.

Circulen monedes de 1, 10 y 25 céntimos y de 1, 5, 10 y 20 dólares, y billetes de 50, 100, 500 y 1.000 dólares, emitíos pol Bancu de Xamaica (Bank of Jamaica),

Tases de cambéu

• 1 euro = 77,226 JMD (4 d'abril del 2006)
• 1 dólar = 63,500 JMD (4 d'abril del 2006)

Ver tamién

• Dólar

Enllaces externos

• (n'inglés) Bancu de Xamaica (con páxines dedicaes a monedes [1] y a billetes [2])