Diferencies ente revisiones de «Casa Conceyu»
Sin resumen de edición |
Sin resumen de edición |
||
Llinia 26: | Llinia 26: | ||
[[Categoría:Política]] |
[[Categoría:Política]] |
||
[[an:Casa d'a Villa]] |
|||
[[da:Kommune]] |
[[da:Kommune]] |
||
[[de:Gemeinde]] |
[[de:Gemeinde]] |
Revisión a fecha de 13:02 23 xnt 2012
La Casa Conceyu o Ayuntamientu ye un muérganu nel que se sofita l'Alministración Municipal n'España. Ta integráu pol Alcalde, y los Conceyales.
Réxime Xurídicu
El so réxime xurídicu contiénse, principalmente, na Llei 7/1985, de 2 d'abril, reguladora de les Bases del Réxime Llocal. Hai de tener en cuenta, amás, la correspondiente normativa autonómica. A día de güei, el Principádu d'Asturies nun aprobó la so Llei de Réxime Llocal.
Muérganos que lu integren
Como se dixo, la Casa Conceyu, muérganu de gobiernu y alministración de los conceyos, ta integráu pol Alcalde, y los Conceyales.
Per otra parte'l Plenu de la Casa Conceyu ye'l muérganu nel que s'asitien tolos conceyales, y presidíu pol Alcalde. Amás ta la Xunta de Gobiernu Llocal, preceptiva en tolos conceyos de población superior a 5.000 habitantes. Ta integrada pol Alcalde, que la preside, y los conceyales nomaos por esti, en númberu non superior a un terciu del total esistente.
Cadarma
Los Conceyos tienen atribuyida la competencia d'autoorganización, d'alcuerdu cola normativa de réxime llocal. Por eso la so cadarma pue variar d'una Casa Conceyu a otra. En tou casu, sacante l'Alcalde y el Plenu municipal, puen destremase los vinientes servicios:
- Conceyalíes delegaes. Por delegación del Alcalde, les sos competencies en cuantes a un área determinada puen delegase nún de los Conceyales. Esa delegación pue o non abarcar la de dictar actos alministrativos con efeutos frente a terceros.
- Secretaría. Comprende les funciones de fé pública y asesoramientu llegal preceutivu.
- Intervención. Comprende los servicios de calter económicu.
- Ayalguería. Xestión de cobros y pagos.
- Organismos Autónomos. Puen esistir si asina lo alcuerda'l Plenu municipal. Son entes pa la xestión descentralizada de servicios.
- Entidaes Públiques empresariales. Entes con autonomía funcional y operativa pa la xestión de servicios públicos de competencia llocal.
- Sociedaes Mercantiles. Puen ser de capital públicu al 100%, o de capital mistu.