Diferencies ente revisiones de «El Salvador»

Coordenaes: 13°40′08″N 88°51′58″W / 13.66889°N 88.86611°O / 13.66889; -88.86611
De Wikipedia
Contenido eliminado Contenido añadido
m Bot: Troquéu automáticu de testu (-| imaxen_bandera +| imaxe_bandera)
m Bot: Troquéu automáticu de testu (-| imaxen_ +| imaxe_)
Llinia 5: Llinia 5:
| de = de 
| de = de 
| imaxe_bandera = Flag of El Salvador.svg
| imaxe_bandera = Flag of El Salvador.svg
| imaxen_escudu =Coats_of_arms_of_El_Salvador.svg
| imaxe_escudu =Coats_of_arms_of_El_Salvador.svg
| imaxen_escudu_tamañu = 120px
| imaxe_escudu_tamañu = 120px
| símbolos =
| símbolos =
| imaxen_mapa = LocationElSalvador.svg
| imaxe_mapa = LocationElSalvador.svg
| lema_nacional = «Dios, Unión, Libertad»
| lema_nacional = «Dios, Unión, Libertad»
| himnu_nacional = [[Himnu Nacional de El Salvador]]
| himnu_nacional = [[Himnu Nacional de El Salvador]]

Revisión a fecha de 20:58 1 may 2012

El Salvador
estáu soberanu
bandera d'El Salvador escudu d'El Salvador
Himnu nacional Himnu Nacional de El Salvador
Alministración
Nome oficial República de El Salvador
Capital San Salvador
Presidente d'El Salvador Nayib Bukele (dende 1r xunu 2019)
Presidente d'El Salvador Nayib Bukele (dende 1r xunu 2019)
Llingües oficiales castellanu
División
Rellaciones diplomátiques
Miembru de
Xeografía
Coordenaes 13°40′08″N 88°51′58″W / 13.66889°N 88.86611°O / 13.66889; -88.86611
Superficie 21,041 km² (puestu 152)
% agua 1.5
Costes 307 km
Llenda con 545 km
Puntu más altu Cerro El Pital (es) Traducir
Puntu más baxu Océanu Pacíficu
Demografía
Población 6,875,000 (2006 hab. (2007)
Densidá Error d'espresión: Caráuter de puntuación "," non reconocíu. hab/km²
Xentiliciu salvadorianu (masculín singular)
salvadoriana (femenín singular)
Esperanza de vida 73,512 años
IDH 0,675 (2021)
Tasa de fertilidá 1,931 (2014)
Economía
Moneda dólar de los Estaos Xuníos y Bitcoin
PIB nominal 29 451 240 000 $ (2021)
Bancu central Banco Central de Reserva de El Salvador (es) Traducir
Más información
Dominiu d'Internet .sv
Códigu telefónicu +503
Códigu ISO 222 / SLV / SV
Estaya horaria UTC−06:00 y America/El_Salvador (en) Traducir
elsalvador.travel…
Cambiar los datos en Wikidata

El Salvador ye un país de clima tropical allugau en América Central, con una población d'aprosimadamente 6,8 millones d'habitantes. Darréu de la so estensión territorial (21.041 km²) tien la densidá poblacional más alta d'América continental.

Historia

Na dómina precolombina l'actual territoriu salvadorianu tuvo habitáu por distintes etnies indíxenes, destacando los pipiles, una población d'orixe náhuat qu'ocupó la rexón occidental y central del territoriu y los lencas que poblaron la zona oriental del país. Pero'l dominiu más estensu hasta la conquista Española foi'l del reinu de Cuzcatlán.

Conquista, Colonia ya Independencia

Los conquistadores españoles, encabezaos por Pedro de Alvarado, al par del so hermanu Gonzalo, cruciaron el ríu Paz ente los años 1524-1525. Aportaron dende la zona qu'entiende l'actual república de Guatemala depués de participar na conquista de Méxicu. Mientres la colonia, El Salvador formó parte de la Capitanía Xeneral de Guatemala, tamién conocida como Reinu de Guatemala. El territoriu salvadorianu tuvo estremáu nes Alcaldíes Mayores de Sonsonate y San Salvador, siendo esta postrera alzada como Intendencia a finales del sieglu XVIII.

En 1811 y 1814 produciéronse importantes alzamientos contra'l dominiu español qu'espresaron la molición independentista de los criollos. Finalmente, les naciones centroamericanes consiguieron la so independencia d'España, el 15 de setiembre de 1821. Dende'l 5 de xineru de 1822, les provincies de Centroamérica, salvo la oposición de la élite salvadoriana ya intelectuales guatemalianos, integráronse al Primer Imperiu Mexicanu, hasta'l 19 de marzu de 1823, cuando Agustín de Iturbide abdica ante'l congresu.


Dómina de la Federación Centroamericana

Nel períodu que siguió a la independencia, El Salvador y los demás países centroamericanos intentaron caltener la unión heredada de la colonia y crearon la República Federal de Centroamérica, una federación que s'eslleió en 1839. En 1851 El Salvador sufre'l so más significativa derrota militar dende la so independencia, la Batalla de l'Arada. Depués de la disolución de la Unión asocedió un períodu de braceos ente lliberales y conservadores que s'enllargó hasta 1871. Mientres esti períodu, decayó el cultivu del añil ya introducióse el del café. Ente 1871 y 1931 asocediéronse los gobiernos lliberales que favorecieron los intereses de la naciente élite amestada al cultivu del café. En 1882, mientres la presidencia de Rafael Zaldívar, l'Asamblea Lexislativa decretó l'abolición de les tierres comunales y ejidales, que fueron vendíes a particulares, lo que provocó un cambéu sópitu na tenencia de la tierra.

Dómina del autoritarismu militar

En 1929, la economía del país entró en crisis, de resultes de la cayida de los precios del café nel mercáu internacional. En 1931, el Xeneral Maximiliano Hernández Martínez, llegó al poder tres un golpe d'estáu contra'l presidente civil Arturo Araujo. Martínez, estableció un gobiernu ultraconservador y autoritariu y reprimió col exércitu una sublevación de llabradores ya indíxenes nel occidente del país, lo que resultó en muerte de miles de persones. El númberu de víctimes mortales d'estos fechos, entá s'alderique. Les cifres de muertos, difieren según el autores, y van dende 7.000 hasta 30.000 persones. El historiadores inda alderiquen la influencia de los miembros del Partíu Comunista Salvadoreñu na insurrección y del dirixente comunista Farabundo Martí. El xeneral Martínez foi depuestu por una fuelga xeneral en 1944, llamada "La fuelga de los Brazos Cayíos". Pero'l so gobiernu marcó l'entamu d'una serie de gobiernos militares autoritarios socesivos, que remataríen en 1979 con un golpe d'Estáu al Xeneral Carlos Humberto Romero, del PCN y la instauración de la Xunta Revolucionaria de Gobiernu. En 1982, escoyóse una Asamblea Constituyente, a la que la Xunta apurrió'l poder; darréu celebráronse en 1984 les primeres elecciones presidenciales de la era democrática.

En 1969 producióse una curtia guerra con Hondures, que'l so nome formal ye "la guerra de la lexítima defensa",conocida tamién como "la Guerra de les 100 hores", o equivocadamente como "Guerra del Fútbol". La razón del conflictu anició nuna iniciativa de les autoridaes d'Hondures de llevar a cabu una reforma agraria dientro de les sos fronteres; dicha distribución de tierres favorecía solo a honduranos, lo cual obligó a miles de salvadorianos aniciaos n'Hondures a volver al so país, depués de ser espropiaos de les sos tierres. En respuesta a esta situación, El Salvador declaró la guerra a Hondures.


Guerra Civil

L'ambiente de violencia política que se viviera la década anterior contribuyó descomanadamente a la guerra civil que duraría 12 años (1980-1992). Foi un conflictu que militarmente se definió como una Guerra de Baxa Intensidá, o Guerra Popular Enllargada, como la denominaben les fuerces guerrilleres del FMLN y que costó la vida a más de 75.000 persones ente muertos y sumíos.

Dellos factores que contribuyeron a la guerra fueron: la cayida internacional del preciu del café, los constantes fraudes electorales y el descontentu de la población pola forma de gobernar de los militares. Ente dellos sucesos qu'encendieron los ánimos mientres el conflictu armáu destaca l'asesinatu del arzobispu de San Salvador, Óscar Arnulfo Romero en 1980.

L'ambiente aturbolinao remató en 1992 cuando los combatientes del Frente Farabundo Martí pa la Lliberación Nacional (FMLN) formáu por cinco agrupaciones d'esquierda, y el gobiernu de derecha del entós presidente Alfredo Cristiani, d'Alianza Republicana Nacionalista (ARENA), roblaron los "Alcuerdos de Paz" el 16 de xineru de 1992 en Chapultepec, Méxicu, qu'aseguraron reformes polítiques y militares, pero nun afondaron nel aspeutu social.

Dómina de posguerra

En 1992, la Corte Internacional de Xusticia (CIJ) mandó el desllinde de "Los Bolsones" (una área fronteriza apostada ente El Salvador y Hondures), pero, gracies a la intervención de la Organización de los Estaos Americanos (OEA) y la CIJ en 2003, la total demarcación de la frontera terrestre foi rematada nel 2006. Tamién en 1992, la CIJ aconseyó un resolvimientu tripartitu pa la creación de les fronteres marítimes nel Golfu de Fonseca. El Salvador sigue reclamando la Isla Coneyu, la cual nun s'inclúi na decisión de la CIJ n'este mesmu casu.

San Salvador, la capital, ye conocida polos munchos sismos qu'asoceden; polo cual llamóse-y popularmente "Valle de les Hamaques" dende tiempos de la colonia. En 1986 un terremotu de 7,5 graos d'intensidá na escala Richter y de 10 segundos de duración, destruyó gran parte de la ciudá de San Salvador. El 13 de xineru de 2001, otru terremotu, ésti de 7,9 graos na escala Richter, causó gran destrucción a lo llargo y anchu del país. Una de les traxedies humanes qu'asocedió de resultes del sismo, foi un desprendimientu de tierra nel llamáu Cordal del Bálsamu na ciudá de Santa Tecla nel departamentu de La Llibertá, que mató a más de 800 persones y dexó a dellos miles ensin llar. El 13 de febreru de 2001, un mes dempués, otru terremotu de semeyante magnitú mató a 255 persones, dexando ensin les sos cases a cientos de families, especialmente nel interior de la república onde viven les capes más probes de la sociedá.

Per otru llau, les últimes elecciones presidenciales, celebraes el 15 de marzu de 2009, dieron como ganador al periodista Carlos Mauricio Funes Cartaxena del partíu FMLN.

Política

La Constitución de 1983 defínese l'ordenamientu llegal básicu del país. Ellí establezse qu'El Salvador ye una república democrática, representativa na que manda'l sistema presidencialista, que los sos tres órgano son l'Órganu Executivu, encabezáu pol Presidente de la República, el que ye electu por votación directa y permanez nel cargu 5 años. Nun puede ser reelexíu nel períodu siguiente. Al mandatariu acompáñalu el so Gabinete de Ministros. Amás, ye'l comandante Xeneral de la Fuerza Armada.

Los otros entes son l'Órganu Lexislativu, denomináu Asamblea Lexislativa d'El Salvador (unicameral) de 84 diputaos, y l'Órganu Xudicial, espresáu na Corte Suprema de Xusticia, integrada por 15 Maxistraos, siendo unu d'ellos electu como Presidente del Órganu Xudicial.

Colos Alcuerdos de Paz de Chapultepec (1992) creáronse la nueva Policía Nacional Civil, la Procuradoría pa la Defensa de los Derechos Humanos, y el Tribunal Supremu Electoral. Amás dióse-y vida llegal, como partíu políticu, a la oposición d'esquierda na forma del Frente Farabundo Martí pa la Lliberación Nacional (FMLN) y redefinióse el papel del exércitu, acutáu pa la defensa de la soberanía y l'integridá territorial. Tamién se suprimieron dellos cuerpos de seguridá que taben al mandu del exércitu, como fueron la Guardia Nacional, la Policía de Facienda y los Batallones especiales formaos pa caltener la guerra contra la insurxencia de los años 80.

Principales partíos políticos

Partíos políticos d'El Salvador (n'orde alfabético):

ARENA Alianza Republicana Nacionalista

CD Cambéu Democráticu

FMLN Frente Farabundo Martí pa la Lliberación Nacional

GANA Gran Alianza pola Unidá Nacional

PCN Partíu de Conciliación Nacional

PDC Partíu Demócrata Cristianu

Xeografía

Economía

Cultura

Plantía:America

  1. URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.
  2. URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.
  3. URL de la referencia: http://www.unesco.org/eri/cp/ListeMS_Indicators.asp.
  4. URL de la referencia: http://www.upu.int/en/the-upu/member-countries.html. Data de consulta: 4 mayu 2019.
  5. URL de la referencia: https://www.itu.int/online/mm/scripts/gensel8. Data de consulta: 4 mayu 2019.
  6. URL de la referencia: https://public.wmo.int/en/members/el-salvador. Data de consulta: 26 mayu 2020.
  7. URL de la referencia: https://www.who.int/choice/demography/by_country/en/. Data de consulta: 21 xunetu 2020.
  8. URL de la referencia: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consulta: 16 marzu 2024. Páxina: 2. Supports qualifier: data de principiu.