George Washington

George Washington

Foi'l Comandante en Xefe de les fuercies estaunidenses na Guerra de la Independencia de los Estaos Xuníos (1775–1783), y postreramente convirtióse nel primer Presidente de los Estaos Xuníos, cargu qu'ocupó dende 1789 hasta 1797. Darréu de la so importante participación na fundación de los Estaos Xuníos, Washington ye conocíu como "Padre de la nación estaunidense".

Washington entamó a algamar sonadía, lliderando les tropes de Virxinia (Estaos Xuníos) pa sofitar al Imperiu Británicu demientres la Guerra Franco-Indíxena (1754–1763), una resma qu'él aidó a entamar ensin conocencia. Dempués de lliderar la victoria estaunidense na Guerra de revolución, refugó de los sos poderes militares y tornó a la vida civil, fechu que-y traxo entá más renome. En 1787, presidió la Convención de Filadelfia qu'esbocexó la Constitución de los Estaos Xuníos d'América y en 1789, foi ellexíu de miente unánime como'l Presidente de los Estaos Xuníos. Los sos dos períodos d'alministración afitaron munches polítiques y vezos qu'esisten anguaño. Enantes del acabamientu del so periodu de gobiernu, Washington retiróse de nuevo a la vida civil, afitando un importante precedente de cambéu de gobiernu pacíficu que sirvió d'exemplu non namái nos Estaos Xuníos sinon tamién n'otres futures repúbliques.

Predecesor: dengún

Presidente de los Estaos Xuníos 30 d'abril de 1789 - 3 de marzu de 1797

Socesor: John Adams