Romanche

Romanía

Esti artículu fai parte de la serie Llingües romániques

Grupos llingüísticos

Iberorrománicu Occitanorrománicu Galorrománicu Retorrománicu Galoitalianu Italorrománicu Balcanorrománicu Sardorrománicu

El romanche, tamién conocíu como Retorrománicu o Réticu(Rumantsch nel propiu idioma), ye una llingua románica que fálase nel territoriu de l'antigua Retia, y que correspuende al cantón de los Grisones, Suiza y otros territorios averaos.

Si bien nos cantones onde se fala ta declaráu oficial y les alministraciones faen un gran esfuerciu por espardelu, la so situación anguaño ye estremadamente grave. Tien mui pocos falantes, siendo l'alemán la llingua d'emplegu habitual na cai.

En realidá, más que d'un idioma, trátase d'un grupu formáu por cinco llingües, dotada caduna d'elles d'una d'un estándar escritu: sursilvan (13.879 falantes ), sutsilvan (571 falantes), surmiran (2.085 falantes), puter (2.343 falantes) y vallader (5.138 falantes). Los dos últimos formen el subgrupu conocíu como lladín (rumantsch ladin).

Esiste tamién una forma unificada de la llingua, el Rumantsch grischun, na que s'editen dellos documentos oficiales y los manuales escolares.

Clasificación lingüística

• Indoeuropéu
  • Itálicu
    • Llingües romániques
      • Retorrománicu
        • Réticu
          • Sursilvan
          • Sutsilvan
          • Surmiran
        • Lladín
          • Puter
          • Vallader