Diferencies ente revisiones de «Pirámides d'Exiptu»

De Wikipedia
Contenido eliminado Contenido añadido
EmausBot (alderique | contribuciones)
m r2.7.2+) (Robó Añadíu: ky:Египет пирамидалары
m r2.7.1) (Robó Añadíu: fa:هرم‌های مصری
Llinia 248: Llinia 248:
[[es:Pirámides de Egipto]]
[[es:Pirámides de Egipto]]
[[eu:Egiptoko piramideak]]
[[eu:Egiptoko piramideak]]
[[fa:هرم‌های مصری]]
[[fi:Egyptin pyramidit]]
[[fi:Egyptin pyramidit]]
[[fr:Pyramides d'Égypte]]
[[fr:Pyramides d'Égypte]]

Revisión a fecha de 17:28 1 abr 2012

De esquierda a drecha: La gran Piramide de Khufu, la Pirámide de Khafre y la de Menkaure. Les otres tres pirámides pequeñes tan venceyaes a la piramide de Menkaure.


La pirámide ye'l pilancu básicu del conxuntu arquiteutónicu del antiguu Exiptu, fechu col fin de da-y cultu al faraón. Ye la meyor espresión de l'arquiteutura del Reinu Antiguu. A pesar de que la principal función yera'l da-y cultu a los faraones muertos, munches nun foron enxamás emplegaes como tumbes. Les tres grandes pirámides de Giza, y en concretu La Gran Pirámide de Giza, fecha construyir por Keops (Khufu), ye una de les siete Maravilles del Mundu Antiguu.

Antecedentes históricos

Mastaba Ouserkafânkh

Nun se tardó en venceyar los pequeños montículos de llimu fértil que xorrecíen tres el descensu de les agües del Nilu, col ñacer y el desendolcu de la vida. La mastaba, construcción asemeyada al prisma, yera la sepultura de los soberanos nelperiodu arcaicu d'Exiptu. Les razones del pasu de "les mastabes" a les pirámides nun son del too nidies, pero tiense'l procuru xeneralmente algamar una altor cada vez más significativa, p'amosar la importancia y el poder del faraón difuntu. Estes construcciones teníen una parte amosable, y taben recubiertes por un montículu de sable, símbolu del alborecer, y del surdimientu de la otra vida. Nos primeros santuarios, como'l de Nekhen (Hieracómpolis), venceyaos a los reis, púdose documentar construcciones asemeyaes. El faraón representa al dios creador, y tien que caltener el ciclu vital que-y da l'orixe a la vida. Nacimientu y renacimientu entemécense. Lo que nun aniciu yera solamente una tumba pasa a ser tamién la morada del difuntu, y tien qu'afayar nel interior tolo necesario pa la subsistencia. Esto surde na Dinastía I,cuando la tumba entama a escarbase nel suelu. El conceutu d'averamientu a la cúpula celeste, y la elevación de camín al sol, aníciase na Dinastía III, faciendo d'esto una revolución, tanto ideolóxica como arquitectónica.

Morfoloxía de les pirámides

El conxuntu taba formáu, amás de pola pirámide, por un recintu rodiau por una muria con un camín de ronda na parte cimera de la construcción, tenía resaltos defensivos, y dientro, nel recintu, asitiábase'l templu mortuoriu. Estes construcciones esteriores, afitaben el bienestar del faraón. El recintu podía incluyir pirámides secundaries qu'asitiábense nel ángulu esquierdu de la entrada. L'accesu faciase per una rampla que dava al templu del valle o templu baxu. Na pirámide de forma de xubidoria de Saqqara afáyase amás un recintu del festival que nun apaez n'otres pirámides. Les 4 cares de la pirámide empobinábanse a los 4 puntos cardinales y l'exe mayor del recintu xeneralmente nel sen oeste, el templu mortuoriu dava a la fastera este y les pirámides subsidiaries nel ángulu sureste.

Dyeser. Saqqara

Las mayoría de les pirámides permitíen l'accesu al interior a traviés d'un pasadizu descendente abiertu na fastera norte. El techu de la cámara mortuoria formábenlu los bloques mayores y más pesaos, de tola estructura.

A la forma de les pirámides llegose como'l desendolcu llóxicu de la pirámide de xubidoria de Saqqara, la más vieya de todes. Ésta foi fecha por Imhotep pa'l faraón Dyeser como superposición de mastabes.


Tipoloxía de les Pirámides

La pirámide de xubidoria

La primer tumba de piedra enxamás construyida atribúyese a Imhotep, l'arquiteutu de Zóser. El nome d'esti arquiteutu atopose al pie d'una estatua del faraón, asitiá al llau de la tumba. Los llogros de Imhotep yeren llexendarios ya na antigüedad.

Nun se fizo aislladamente, sinon formando parte d'un conxuntu d'edificios y patios venceyaos con diverses ceremonies funeraries dedicaes al faraón. El centru del monumentu consiste nuna estructura sólida a modu de caxa allargada y l'interior ta formáu por bloques de piedra trayíos de la redolada, l'esterior ye de piedra caliar fina traxida de les canteres de Tura, más allonxaes. Na fastera norte entamose a facer un templu funerariu, pero enantes de finar decidiose espurrir la pirámide peles fachaes norte y oeste. Para finar una cabera ampliación de la pirámide afectó a los sos cuatru llaos. Completáronse los seis peldaños y el conxuntu revistiose con piedra caliar de Tura. La parte soterránea d'esti conxuntu consistía nun pozu fondu que daba l'accesu a un complicáu llaberintu de corredores y cámares de munchos tamaños.


Les pirámides clásiques

Pirámide de Meidoum

Ta nidio que la pirámide como güei la entendemos, (monumentu de base cuadrada y llaos en rampla en direición la estaya cimera de la pirámide), deriva de la pirámide de xubidoria. Afortunadamente conozse esa transición gracies al estudiu de los restos d'una pirámide parcialmente esbarrumbada en Meidum. Esta pirámide taba formada por un nucleu compuestu de varies estayes de mampostería que disminuyíen n'altor dende'l centru hacia los llaos y afitábanse enriba d'un cuerpu central faciendo un ángulu de 75 graos. Paez ser qu'esti mesmu métodu foi emplegáu polos constructores de les pirámides de la V dinastía. Nun ta nidio que les tres pirámides de Gizeh ficiérense siguiendo esti sistema. Como norma xeneral, la tumba real debía tar asitiada al oeste del Nilu, llugar de la puesta del sol, y penriba del nivel del ríu, para evitar que les inundaciones periódiques afectaren al monumentu.

Otru detalle yera que nun podía construyise mui llonxe del ríu, ya que les piedres tresportábense dende les canteres per vía fluvial. Lo perfecho yera qu'amás que nun s'asitiara demasiao allonxada a dalgún núcleu urbanu. Una vegada elexíu'l llugar, preparábase'l tarrén llimpiándolu de tou'l sable superficial hasta atopar cola roca viva, onde debíen sofitase los cimientos. Esta roca nivelábase per aciu d'un complexu proceder. A veces, ensin embargu, dexábase una prominencia nel centru y apruvecíase pa la construcción de la futurible pirámide.

Pa finar, asegurábanse que los cuatro llaos del monumentu tuvieren orientaos hacia los cuatro puntos cardinales. La orientación de la pirámide debió facese engabitándose nos cuerpos celestes, puesto que los exipcios desconocíen la brúxula. El faraón marcaba la llinia de los cuatro llaos y una güeyando l'asitiamientu de les estrelles. Nesta observación aidávalu un sacerdote na representación del dios Thoth.

La construcción

Les pirámides amuesen, pa la so dómina, el gran conocimientu de los téunicos exipcios y la capacidá organizativa necesaria pa facer tales monumentos con medios persimples, poro, nin un res paez indicar que ficiera falta una teunoloxía superior de la que disponíen los exipcios, representada por "inxenios" de madera, trineos, claplones y tamién siendo posible l'usu de la rueda, cola forma de rodiellos de madera, y les ramples.

Cenciellamente nun se sabe como foron a construyir les pirámides, especialmente si tenemos en cunta'l númberu de bloques de la Gran Pirámide y el tiempu que, según les fontes tardaron en construyila, los exipcios debieron poner un bloque cada cinco minutos, o menos.

La bayura de los bloques de piedra yeren cortaos en canteres allugaes al llau de la construcción. Apurríense otros de les canteres del sur del país con l'aida de xigantesques barcaces. Los bloques asitiábanse a continuación enriba de chaplones y abasnábase cola fuerzia de los brazos hasta'l llugar definitivu.

Enantes procedíase a llimpiar el tarrén y escarvar canales pa enllenales d'agua pa poder marcar llinies de nivel coles que preparar una superficie horizontal. Dempués atarraquitábanse los riegos, pa siguir escavando la cámara del soterran entamabase cola edificación.

Teoríes del modu de construcción

Esisten bayura de teoríes, meramente especulatives, acerca del métodu de construyir les pirámides exipcies, pero los especialistes nun se ponen d'alcuerdu en munchos puntos, debio a la total ausencia de documentos d'eses dómines, que cunten el procesu seguíu pa erixiles. Dalgunes d'estes teoríes son:

  • Ensin ramples: según-y dixeron a Heródoto los sacerdotes exipcios, entamaben construyendo una serie de "grades", y utilizando "inxenios" de madera, empobinaben los bloques dende'l suelu a la primer "grada", lluéu a la segunda, y asina sucesivamente. Ye'l mou de construyir más llóxicu, posteriormente utilizáu polos griegos, romanos, mayestros d'obres medievales, etc., con "inxenios" de madera.
  • Rampla incrementada: la construcción realizábase faciendo una gran rampla de sable, rectillinia, qu'aumentaba d'altor y anchura según medraba la pirámide. Presenta, ente otres, la dificultá d'agrandar la rampla y el gran volume d'esta, superior incluso al de la pirámide y el trabayu requeríu pa montala y desmontala.
  • Bayura de ramples: les piedres yeren llevantaes penriba de cada filera p'acceder a la siguiente estaya. De llevase a cabu la construcción tendríen que salvar, ente otres, la gran dificultá que supón colocar los caberos bloques de cada estaya.
  • Rampla interior: l'arquiteutu francés Jean-Pierre Houdin asoleyo n'abril de 2007 la teoría, según la cual les piedres de la Gran Pirámide de Giza foron enpobinaes per una rampla esterior tradicional hasta un altor de 45 metros. Dende ehí los bloques yeren xubíos per una rampla n'espiral, fecha dientro de la pirámide. Según esta teoría les piedres yeren desplazaes per aciu del la fuercia humana nos tramos rectos y, en cada curva, yeren llevantaes per aciu de cuerdes, para xirar les piedres.

Según Houdin el túnel seguiría esistiendo güei día[1]. Esta hipótesis podría dar veracidá a les narraciones d'Heródoto y Plinio'l Vieyu rellumando rellatos de cámares soterránees de la pirámide (sic) [2], siendo quiciabes la perconocida Cámara d'Horus o "tumba-isla".

Diez foron, como digo, los años qu'emplegaronse na construcción d'esa calzada (procesional) y de les cámares soterránies del cuetu enriba de la que s'alcen les pirámides, cámares que, pa que-y sirvieren de sepultura, Keops fízose construyir –enpobinando hasta ellí una canal con agua procedente del Nilu n'una islla. (Heródoto, Historia, Libro II, 124,4)

El xefe del Conseyu Superior d'Antigüedades exipciu, Zahi Hawass, dixo que sólo ye una hipótesis más y que, pol momentu, nun concederá permisu d'escavación na Gran Pirámide.

Simbolismu de les Pirámides

La forma de les pirámides exipcies camentase pa representar el montón primixeneu. La mayoría de les pirámides foron feches con piedra caliar cande y nidia, perrellumante, pa da-y un aspeutu brillante cuando se víen dende llonxe. Les pirámides munches veces tamién foron nomaes de les mena na que rellumaren los rayos del sol. Por exemplu, el nome formal de la pirámide en Dahshur yera la pirámide brillante meridional. D'otra mena, xeneralmente les pirámides yeren monumentos del entierru.


Númberu y llocalización de les pirámides

El númberu de les pirámides n'Exiptu ye pa la mayoría de los espertos ente 81 y 112. En 1842 Richard Lepsius fizo una llista de les pirámides, nes cuales él cuntó 67, pero asoleyáronse munches mas dende esa fecha. Esti baille de cifres débese al fechu del estáu nel qu'atópanse la mayoría, esbarrumbaes o en cadarmes. Hay bayura delles, xeográficamente alcuéntrense nel sur.

Abu Rawash

Pirámide de Abu Rawash

La pirámide de Djedefre ta esbarrumbada casi toda , foi del fiyu y del sucesor de Khufu. Anicialmente camentose qu'esta pirámide nun foi finada, pero les tendencies angüaño son de que nun solo acabose sinon que yera de tamañu asemeyáu a la pirámide de Menkaure, y sedría de les 6 mas grandes d'Exiptu. El so asitiamientu, averáu a la cantera, fizo que xorreciera d'una mena afayaiza. L'asitiase nuna encrucixada importante fizo-y una fonte fácil de piedra. Angüaño una pirámide basada nos satélites averaos cuenta con un bon estáu de preservación.


Giza

Giza asitiase na pirámide de Khufu (tamién conocíu como la "Gran piramide", la pirámide más pequeña de Khafre (o de Kephren); la pirámide Menkaure (o de Mykerinos), xunto con un númberu d'edificios que básense nos satélites más pequeños conocíos como "pirámides de la reina", y la gran "esfinxe". De los tres, solamente la pirámide de Khafre's caltién la parte cimera de la so cubierta nidia orixinal de piedra caliar. Esta pirámide apaez más grande que la pirámide averada de Khufu pero esto ye debio a que la so llocalización tien mas altor, y l'ángulu ye más escarpáu. La necrópolis de Giza ye un destín turísticu popular dende l'antigüedá, y foi fecha popular na dómina helenística en que foi descrita, la gran pirámide, una de les siete maraviyes del mundu. Angüaño sigue siendo la única d'eses maraviyes esistentes.

Zawyet el-Aryan

Ta asitiada, a mediu camín ente Giza y el sur d'Abu, y ye la llocalización pa dos vieyes pirámides inacabaes del reinu. Los espertos camenten que'l dueñu de la estructura del norte ye'l Faraon Nebka, demientres que la estructura meridional atribúyise al tercer faraón de la dinastía Khaba, tamién conocíu como Hudjefa, sucesor de Sekhemkhet. Angüaño tien aprosimadamente veinte metros d'altor, y d'acabase, llegaría a los 40.


Abu Sir

Hay siete pirámides n'esti sitiu, que foi la necrópolis real principal demientres la quinta dinastía. La calidá de la construcción de les pirámides del sir d'Abu ye inferior a les de la cuarta dinastía - quiciabes a una economía n'hores baxes. Son más pequeñes que les anteriores y construyéronse de la piedra caliar llocal de baxa calidá. Les tres pirámides principales son les de Niuserre (que ye la meyor conservada), la de Neferirkare Kakai y de Sahure. Toes les pirámides principales nel sir d'Abu foron construyíes como pirámides de pasu, anque la más grande d'elles - la pirámide de Neferirkare Kakai - créyese qu'algamó un altor de 70 metros, y dempués esborrose, dempués remocicose y tresformose con materiales probes.


Saqqara

Pirámide de saqqara

Les pirámides importantes asities equí incluyen la pirámide de pasu de Djozer - identificada xeneralmente como la más vieya estructura monumental fecha con piedra acabada, tamién ta la pirámide de Merykare, la d'Userkaf y la pirámide de Teti. Tamién en Saqqara ta la pirámide d'Unas, que caltién una calzada de la pirámide que ye una de les meyores conservaes d'Exiptu. Saqqara ye tamién la llocalización de la pirámide ensin finar del pasu del sucesor Sekhemkhet de Djozer's, conocida como la pirámide baxotierra. Los arqueólogos camenten que si esta pirámide finárase sedría más grande que Djozer's. El sur del campu principal de la pirámide en Saqqara ye una segunda colección de pirámides más pequeñes, y actuales, incluyendo las de Pepi I, Isesi, Merenre, Ibi, Pepi II y de Shepseskaf. La mayoría d'éstos tán nun estáu probe.


Dahshur

pirámide de Dahsur

Esta área ye la más importante de Giza esterior y Saqqara, anque hasta 1996 el sitiu yera inaccesible debío al so allugamientu dientro d'una base militar, poro'l círculu arqueolóxicu del esterior yera desconocíu. La pirámide meridional de Sneferu, caméntase que foi la primer en creyar una pirámide colos llaos nidios. N'esto yera un ésitu parcial; sigue siendo la única que caltién una proporción significativa de la so cubierta orixinal de piedra caliar, y sirve como'l meyor exemplu del aspeutu lluminosu común a toles pirámides nel so estáu orixinal. La pirámide del norte, o bermeya, construyida na mesma llocalización que Sneferu yera más alantre terminada como la pirámide nidia. En cuntes a la escuridá, la pirámide bermeya ye quiciabes la tercera pirámide más grande d'Exiptu - dempués de les pirámides de Khufu y de Khafre en Giza. En Dahshur ta la pirámide prieta d'Amenemhet III.

Mazghuna

Asities al sur de Dahshur, esta fastera foi utilizada nel primer períodu intermediu por varios reis que ficieron les sos pirámides de lladriyu de barru. Estes estructures son güei peroscures.


Lisht

Les dos pirámides mas importantes son les d' Amenemhat I y el so fíu, Senusret I La del caberu ta arodiau poles ruines de diez pirámides más pequeñes. Una d'estes pirámides sábese que ye la del primu d'Amenemhat's, Khaba II. Ta asitiada na vecindá del oasis de Fayyum, a metá de la distancia ente Dahshur y Meidum, y a cerca de 100 kilómetros de sur d'El Cairu, créyese que sirvió como capital d'Exiptu demintres la 12ma dinastía.

Meidum

Pirámide de Meidum

La Pirámide deSneferu en Meidum, arrodiada per un monte del escombriu de cubierta esterna esbarrumbada. La pirámide Meidum ye una de les tres construyíes demientres el reináu de Sneferu. Dalgunos arqueólogos tamién suxieren que la pirámide de Meidum pudo ser la primer tentativa que fracasó na construcción d'una pirámide nidia y echada a un llau. La pirámide tuvo un esbarrumbamientu catastróficu na antigüedá, y solamente les partes centrales de la so base interna caltiénense, dándo-y un aspeutu únicu ente les pirámides exipcies. La colina que ta enriba de la pirámide nun ye carauterística natural del paisaxe, ye'l monte pequeñu de les ruines.

Hawara

Pirámide de Hawara

Amenemhet III yera'l mas importante faraon de la 12ma dinastía, y la pirámide qu'él fizo en Hawarra, averada a Faiyum, créyese que ye posterior fízose siguiendo'l mesmu patrón en Dahshur.


El-Lahun

La Pirámide de Senusret II


La pirámide de Senusret II n'El-Lahun ye la estructura asitiada más al sur de la pirámide de la real-tumba d'Exiptu. Los sos constructores reduxeron la cantidá de trabayu necesariu pa facela usando una colina natural de piedra caliar de 12 metros d'altor.




Feches de constucción

Les tables siguientes venceyan les feches de construccion, el faraón qu'encamienta facer la pirámide y l'asitiamientu.

Pirámide/ Faraón feches Asitiamientu
Djozer c. 2630 - 2612 e.c Saqqara
Sneferu c. 2612 - 2589 e.c Dashur
Sneferu c. 2612 - 2589 e.c Dashur
Sneferu c. 2612 - 2589 e.c Meidum
Khufu c. 2589 - 2566 e.c Giza
Djedefre c. 2566 - 2558 e.c Abu Rawash
Khafre c. 2558 - 2532 e.c Giza
Menkaure c. 2532 - 2504 e.c Giza
Sahure c. 2487 - 2477 e.c Abu Sir
Neferirkare Kakai c. 2477 - 2467 e.c Abu Sir
Nyuserre Ini c. 2416 - 2392 e.c Abu Sir
Amenemhat I c. 1991 - 1962 e.c Lisht
Senusret I c. 1971 - 1926 e.c Lisht
Senusret II c. 1897 - 1878 e.c el-Lahun
Amenemhat III c. 1860 - 1814 e.c Hawara

Referencies

  1. Noticias con historia, nu 103 de La aventura de la Historia, Arlanza Ediciones, Madrid, mayo de 2007, ISSN 1579-427X
  2. Jevenois, Pablo, l'enigma de Keops, nu 83 de La aventura de la Historia, Arlanza Ediciones, Madrid, julio de 2006, ISSN1579-427X

Enllaces esternos

Plantía:Link FA