Papa Xuan Pablu II

Xuan Pablu II
Ficheru:John-paul-ii.jpg
Nome	Karol Józef Wojtyła
Empecipiu del papáu	16 d'ochobre, 1978
Fin del papáu	2 d'abril, 2005
Predecesor	Xuan Pablu I
Socesor	Benedictu XVI
Fecha de nacencia	18 de mayu, 1920
Llugar de nacencia	Wadowice, Polonia

Xuan Pablu II (* Wadowice, Polonia, 18 de mayu del 1920 - † Ciudá del Vaticanu, 2 d'abril del 2005). Papa númberu 264 de la Ilesia católica. El so nome de nacencia yera Karol Józef Wojtyła (pronúnciase voi-tí-hua). Foi'l primer papa non italianu dende Adrianu VI nel 1522.

El so pontificáu de 26 años foi'l terceru más llargu na hestoria de la Ilesia Católica, depués del de San Pedru (camiéntase qu'ente 34 y 37 años) y el de Píu IX (31 años), y nelli ordenó 232 cardenales.

El 1 de payares del 1946 foi ordenáu sacerdote. 22 años depués, el 16 d'ochobre del 1978, Wojtyła foi elexíu Papa col nome de Xuan Pablu II.

Nel 1981, mentes saludaba a los fieles na Plaza de San Pedru, sufrió un atentáu perpetráu por Mehmet Ali Agca, que-y disparó bien cerca dende'l baturiciu, dexándolu gravemente firíu. Meses depués foi perdonáu públicamente. El 6 d'eneru del 1995 la policía de Filipines desmanteló la Operación Bojinka, que buscaba'l mesmu fin.

El so estáu de salú empeoró nos primeros meses del 2005, cuando hebo ser hospitalizáu nel Hospital Gemelli (Roma) por mor d'un síndrome de dificultá respiratoria. Magar que se-y fexera una traqueotomía a mediaos de marzu, p'haza finales del mesmu mes el so estáu agravó y ente'l 31 de marzu y el 1 d'abril sufrió una septicemia por complicación d'una infección de víes urinaries. Morrió'l día 2 d'abril del 2005 a les 21:37 hores (hora del Vaticano), siendo Joseph Ratzinger (Benedictu XVI) el so socesor.

Encícliques

• Ecclesia de Eucharistia (17 d'abril del 2003)
• Fides et Ratio (14 de setiembre del 1998)
• Ut Unum Sint (25 de mayu del 1995)
• Evangelium Vitae (25 de marzu del 1995)
• Veritatis Splendor (6 d'agostu del 1993)
• Centesimus Annus (1 de mayu del 1991)
• Redemptoris Missio (7 d'avientu del 1990)
• Sollicitudo Rei Socialis (30 d'avientu del 1987)
• Redemptoris Mater (25 de marzu del 1987)
• Dominum et Vivificantem (18 de mayu del 1986)
• Slavorum Apostoli (2 de xunu del 1985)
• Laborem Exercens (14 de setiembre del 1981)
• Dives in Misericordia (30 de payares del 1980)
• Redemptor Hominis (4 de marzu del 1979)

Enllaces esternos

• So Santidá Xuan Pablu II, Breve Biografía (Web de la Santa Sede)
• Xuan Pablu II, la so biografía oficial
• Escritos Pontificios de Xuan Pablu II
• Pontificáu - Xuan Pablu II

Predecesor: Xuan Pablu I

Papa 1978 - 2005

Socesor: Benedictu XVI