Presidente

Presidente, del llatín prae sedere «quien ta'l frente». Esti términu s'emplega pa identificar a la persona que dirixe una reunión, una sesión de trabayu o una asamblea, anque lo más habitual ye usálo pa referise al funcionariu públicu elexíu pa un períodu determináu, que representa'l poder executivu d'un Estáu. Los primeros n'usar esti modelu fueron los Estaos Uníos.

Tamién sirve pa identificar a los que presiden ciertos organismos públicos como'l Congresu, el Senáu, la Corte Suprema de Xusticia...

Por últimu, úsase tamién pa nomar al máximu directivu d'empreses privaes, universidaes, cámares empresariales, asociaciones ya instituciones, etc.