Xúpiter (planeta)

Pal dios, ver Xúpiter (mitoloxía).

Xúpiter Júpiter Carauterístiques orbitales Distancia media del Sol 5,20336301 UA Radiu mediu 778.330.000 km Escentricidá 0,04839266 Períodu orbital (sideral) 11a 315d 1,1h Períodu orbital (sinódicu) 398,9 díes Velocidá orbital media 13,0697 km/s Enclín 1,30530° Númberu de satélites 63 conocíos Carauterístiques físiques Diámetru ecuatorial 142.984 km Área superficial 6,41×1010 km² Masa 1,899×1027 kg Densidá media 1,33 g/cm³ Gravedá superficial 23,12 m/s² Períodu de rotación 9h 55,5m Enclín axal 3,12° Albedu 0,52 Velocidá d'escape 59,54 km/s Temperatura superficial mín. media máx. 110 K  152 K  N/A K Carauterístiques atmosfériques Presión atmosférica 70 kPa Hidróxenu >81% Heliu >17% Metanu 0,1% Vapor d'Agua 0,1% Amoníacu 0,02% Etanu 0,0002% Fosfina 0,0001% Sulfuru d'hidróxenu <0,0001%

Xúpiter ye'l quintu planeta del Sistema Solar. Forma parte de los denomaos planetes esteriores o gaseosos. Recibe'l so nome del dios romanu Xúpiter (Zeus na mitoloxía griega).

Carauterístiques xenerales

Trátase del planeta qu'ufre un mayor brillu a lo llargo l'añu (anque Venus pue superalu dependiendo de la so fas, al igual que Marte si s'alcuentra nuna posición favoratible). Ye, amás, el mayor ente los planetes del Sistema Solar, con una masa de más de 310 vegaes la terrestre, y un diámetru unes 11 vegaes más grande.

Xúpiter ye un cuerpu masivu gaseosu, formáu principalmente por hidróxenu y heliu, carente d'una superficie interior definida. Ente los detalles atmosféricos destáquense la Gran mancha roxa, un anticiclón pergrande asitiáu nes llatitúes tropicales del hemisferiu sur, la estructura de nubes en bandes y zones, y la fuerte dinámica de vientos zonales con velocidaes de fasta 140 m/s.

Xúpiter ye'l más masivu de los planetes del Sistema Solar: la so masa equival a unes 2,47 vegaes la suma de les mases de tolos demás planetes xuntos. Más d'un cientu de planetes estrasolares foron descubiertos con mases asemeyaes o superiores a la masa de Xúpiter. Xúpiter tamién tien la velocidá de rotación más rápida de los planetes del Sistema Solar: xira sobro'l so exe en poco menos de 10 hores. Esta velocidá de rotación deduzse a magar de les midíes de campu magnéticu del planeta. L'atmósfera alcuéntrase dividida en rexones con fuertes vientos zonales con periodos de rotación que van dende les 9h 50m 30s na zona ecuatorial a les 9h 55m 40s nel restu'l planeta.

Tamañu comparativu de Xúpiter y la Tierra, con tou y la Gran Mancha Roxa.

El planeta ye conocíu por una pergrande formación meteorolóxica, la Gran Mancha Roxa, fácilmente vislumbrable por astrónomos aficionaos dau'l so gran tamañu, superior al de la Tierra. La so atmósfera ta permanentemente cubierta de nubes que permiten trazar la dinámica atmosférica y amuesen un altu grau de turbulencia.

Tomando como referencia la distancia al Sol Xúpiter ye'l quintu planeta del Sistema Solar. La so órbita asítiase aprosimadamente a 5 UA, unos 750 millones de km del Sol.

Enllaces esternos

• Solar Views Vistes del Sistema Solar
• Júpiter: datos de la web de l'Asociación Larense d'Astronomía (ALDA)
• El Sistema Solar Datos científicos sobro Xúpiter y el sistema solar.