Diferencies ente revisiones de «Estanislau Figueras i de Moragas»

De Wikipedia
Contenido eliminado Contenido añadido
m r2.7.1) (Robó Añadíu: ko:에스타니슬라오 피게라스
Sin resumen de edición
Llinia 7: Llinia 7:
En [[1851]] foi elexíu, por primer vegada, diputáu por [[Tarragona]] (diba selo, nos años vinientes, delles vegaes más, cuando por esa ciudá y cuando por [[Mataró]]), y volvió allí pa formar parte de la so Xunta Revolucionaria: foi el so presidente nos acontecimientos políticos que llevaron al periodu que se conoz como Bieniu Progresista ([[1854]] - [[1856]]). En [[1855]] foi elexíu diputáu a les Cortes Constituyentes que se convocaron col envís de redactar una Constitución nueva que sustituyera a la moderada de [[1845]], que foi anulada. Nelles foi el cabezaleru de la minoría republicana, que nun pudo sacar alantre la opción d'instituyir un réxime republicanu. Nos discutinios parlamentarios defendió la descentralización del Estáu y les desamortizaciones, lo que lu enfrentó a les xentes más averaes a la [[Ilesia Católica|Ilesia]].
En [[1851]] foi elexíu, por primer vegada, diputáu por [[Tarragona]] (diba selo, nos años vinientes, delles vegaes más, cuando por esa ciudá y cuando por [[Mataró]]), y volvió allí pa formar parte de la so Xunta Revolucionaria: foi el so presidente nos acontecimientos políticos que llevaron al periodu que se conoz como Bieniu Progresista ([[1854]] - [[1856]]). En [[1855]] foi elexíu diputáu a les Cortes Constituyentes que se convocaron col envís de redactar una Constitución nueva que sustituyera a la moderada de [[1845]], que foi anulada. Nelles foi el cabezaleru de la minoría republicana, que nun pudo sacar alantre la opción d'instituyir un réxime republicanu. Nos discutinios parlamentarios defendió la descentralización del Estáu y les desamortizaciones, lo que lu enfrentó a les xentes más averaes a la [[Ilesia Católica|Ilesia]].


Siguió siendo diputáu nes eleiciones de los años [[1862]] y [[1865]] y, a resultes de les medides represives qu'adoptara [[Ramón María Narváez|Narváez]] escontra los implicaos na sublevación del cuartel de artillería de San Gil ([[22 de xunu]] de [[1866]]), tuvo de fuxir a [[Portugal]] en [[1867]] pa nun acabar na cárcel. Tres el trunfu de la [[Revolución de 1868]], que dio aniciu al periodu que se conoz como el [[Sexeniu Democráticu]], volvió pa [[España]] ya ingresó nel [[Partíu Republicanu Democráticu Federal]] que recién formara [[Francisco Pi y Margall|Pi y Margall]]. Nesi mesmu añu fundó'l periódicu ''La Igualdad'', d'ideariu republicanu federal. Gracies a elli y a la so intensa actividá política y parlamentaria convirtiose nel líder más nomáu de la minoría republicana del Congresu, igual nos discutinios que culminaron na proclamación de la [[Constitución de 1869]], qu'establecía la monarquía como forma de gobiernu n'España, que dempués de la xubida'l tronu del rei [[Amadéu I de Saboya|Amadéu I]].
Siguió siendo diputáu nes eleiciones de los años [[1862]] y [[1865]] y, a resultes de les medides represives qu'adoptara [[Ramón María Narváez|Narváez]] escontra los implicaos na sublevación del cuartel de artillería de San Gil ([[22 de xunu]] de [[1866]]), tuvo de fuxir a [[Portugal]] en [[1867]] pa nun acabar na cárcel. Tres el trunfu de la [[Revolución de 1868]], que dio aniciu al periodu que se conoz como el [[Sexeniu Democráticu]], volvió pa [[España]] ya ingresó nel [[Partíu Republicanu Democráticu Federal]] que recién formara [[Francisco Pi y Margall|Pi y Margall]]. Nesi mesmu añu fundó'l periódicu ''La Igualdad'', d'ideariu republicanu federal. Gracies a elli y a la so intensa actividá política y parlamentaria convirtiose nel líder más nomáu de la minoría republicana del Congresu, igual nos discutinios qu'encumaren na proclamación de la [[Constitución de 1869]], qu'establecía la monarquía como forma de gobiernu n'España, que dempués de la xubida'l tronu del rei [[Amadéu I de Saboya|Amadéu I]].


== La I República: de la ilusión... al desánimu ==
== La I República: de la ilusión... al desánimu ==

Revisión a fecha de 12:11 28 xin 2012

Estanisláu Figueras, cimeru dirixente de la I República Española

Estanisláu Figueras y Moragas (Barcelona, 13 de payares de 1819 - Madrid, 11 de payares de 1882), políticu, periodista y abogáu español, foi el primer presidente[1] de la Primera República Española. Arriendes de la so actividá política, na que destacó como gran orador y parlamentariu, rexentó, primero en Tarragona y dempués en Madrid, un importante despachu d'abogaos.

Los años de la monarquía: oposición... y persecución

Nacíu y criáu en Barcelona, llicencióse a los 21 años en derechu civil. En 1840 ingresó nel Partíu Progresista, y cuatru años más tarde coló pa Tarragona, ú entamó a trabayar como abogáu, una profesión na qu'algamaría una sonadía importante. Ellí participó destacadamente nos llevantamientos de 1848: tuvo la suerte de nun acabar na cárcel, y darréu coló pa Madrid. Nesi tiempu entamaron los sos contactos colos círculos políticos republicanos de la capital, anque siguió formando parte del Partíu Progresista. Pero sólo hasta 1849: nesi añu pasa a les files del Partíu Demócrata, que nace n'abril d'esi añu como una escisión de los progresistes.

En 1851 foi elexíu, por primer vegada, diputáu por Tarragona (diba selo, nos años vinientes, delles vegaes más, cuando por esa ciudá y cuando por Mataró), y volvió allí pa formar parte de la so Xunta Revolucionaria: foi el so presidente nos acontecimientos políticos que llevaron al periodu que se conoz como Bieniu Progresista (1854 - 1856). En 1855 foi elexíu diputáu a les Cortes Constituyentes que se convocaron col envís de redactar una Constitución nueva que sustituyera a la moderada de 1845, que foi anulada. Nelles foi el cabezaleru de la minoría republicana, que nun pudo sacar alantre la opción d'instituyir un réxime republicanu. Nos discutinios parlamentarios defendió la descentralización del Estáu y les desamortizaciones, lo que lu enfrentó a les xentes más averaes a la Ilesia.

Siguió siendo diputáu nes eleiciones de los años 1862 y 1865 y, a resultes de les medides represives qu'adoptara Narváez escontra los implicaos na sublevación del cuartel de artillería de San Gil (22 de xunu de 1866), tuvo de fuxir a Portugal en 1867 pa nun acabar na cárcel. Tres el trunfu de la Revolución de 1868, que dio aniciu al periodu que se conoz como el Sexeniu Democráticu, volvió pa España ya ingresó nel Partíu Republicanu Democráticu Federal que recién formara Pi y Margall. Nesi mesmu añu fundó'l periódicu La Igualdad, d'ideariu republicanu federal. Gracies a elli y a la so intensa actividá política y parlamentaria convirtiose nel líder más nomáu de la minoría republicana del Congresu, igual nos discutinios qu'encumaren na proclamación de la Constitución de 1869, qu'establecía la monarquía como forma de gobiernu n'España, que dempués de la xubida'l tronu del rei Amadéu I.

La I República: de la ilusión... al desánimu

El reináu d'Amadéu finó de sópitu cuando, fartucu de los problemes políticos del país (guerra en Cuba, guerra carlista, intrigues de los republicanos y los monárquicos alfonsinos), abdicó el 11 de febreru de 1873. Al día siguiente les Cortes, que se constituyeran n'Asamblea Nacional, decidieron por mayoría que la forma de gobiernu diba ser, pa en delantre, la republicana. Nacía, así, la Primera República Española. Nesa mesma sesión decidiose la composición del primer gobiernu del nuevu réxime, y nella foi nombráu Figueras presidente del poder executivu. Esi, qu'incluyía les funciones de xefe del Estáu y del Gobiernu, foi el cargu que recibió: nun foi, porque nun llegaría inxamás a promulgase la constitución qu'estableciera esa figura, presidente de la república, como suel dicise davezu.

La proclamación de la república foi una sospresa, porque la mayoría los diputaos yeren monárquicos. El gobiernu de Figueras incluyía, mayormente, a federales y progresistes que ya teníen sío ministros durante la monarquía, y nun contaba col apoyu de la población, emprobecida pola crisis económica y cabreada porque la obligaben (había serviciu militar obligatoriu) a dir lluchar a Cuba, nin tan siquier de toos los republicanos. Ansina, el propiu presidente de l'Asamblea Nacional, el radical Cristino Martos, intentó, per aciu d'un golpe d'Estáu, implantar una república unitaria. El golpe del 23 de febreru fracasó, y toos los progresistes del gobiernu foron sustituyíos por ministros republicanos federales, qu'aprobaron la suspensión del serviciu militar obligatoriu.

Figueras, mentantu, amosaba cierta debilidá como xefe de gobiernu, y sólo pol apoyu de Pi y Margall, alma verdadera d'aquel gobiernu, logró caltenese como cabezaleru del mesmu. La situación, amás, empeoraba día tres día: el 9 de marzu consiguió evitase la proclamación del Estat Català dientru la República Federal Española, hebo un segundu intentu de golpe d'Estáu n'abril... Pa remedialu Figueras disolvió'l gobiernu y convocó Cortes Constituyentes el 1 de mayu.

Les eleiciones foron el día 10, y nelles los republicanos federales sacaron, nunos comicios con una participación perprobetaya, la mayoría absoluta. El 1 de xunu abriéronse les sesiones de les Cortes que, el día 8, aprobaron qu'España se convertía nuna república federal. Al día siguiente Figueras dimite, y marcha pa Francia fartucu de too (llegó a gritar «Senyors, ja no aguanto més. Vaig a ser-los franc: estic fins als collons de tots nosaltres!» nuna reunión del conseyu de ministros). El día 11, demientres que se preparaba otru golpe d'Estáu, Pi y Margall (que dixo na so investidura que nun tenía programa de gobiernu y que nun sabía qué diba facer) foi nombráu sucesor de Figueras.

Esti, tras pasar dellos meses en Francia, volvió pa España pa intentar xuntar los distintos grupos republicanos... anque sólo llegó a tiempu de ver cómo cayía la República, el 29 d'avientu de 1874, col golpe d'Estáu del xeneral Martínez Campos. Nos años de la Restauración menguó muncho la so activídá política, anque en 1880 funda, d'acordies con Ruíz Zorrilla, esiliáu'n París, el Partíu Republicanu Federal Orgánicu. Nun tuvo tiempu, por embargu, de velu espolletar, porque morrió, a los 63 años d'edá, en 1882.

Referencies

  1. El nome oficial del so cargu nun yera esi porque inda nun s'aprobara d'aquella una Constitución republicana.


Predecesor:
Amadéu I
(Rei d'España)

Manuel Ruiz Zorrilla
(Presidente'l Conseyu Ministros)
Presidente'l Poder Executivu de la República Española
12 de febreru - 11 de xunu de 1873
Socesor:
Francesc Pi i Margall