Canaries

Plantía:Comunidá Les Canaries ye una comunidá autónoma d'España, con capital compartida ente les dos principales ciudaes (Santa Cruz de Tenerife y Les Palmes de Gran Canaria), abarca la totalidá del archipiélagu Canariu, formáu por siete islles mayores: Tenerife, La Palma, La Gomera y El Fierro, que formen la provincia de Santa Cruz de Tenerife, y Gran Canaria, Fuerteventura y Lanzarote, que pertenecen a la provincia de Les Palmes, arriendes de seis islles menores (Alegranza, Graciosa, Montaña Clara, Lobos, Roque del Este y Roque del Oeste) y una serie de pequeñes roques ya islotes (Anaga, Salmor, Garachico). Ta asitiada nel Océanu Atlánticu, nel norte de África, na rexón de Macaronesia (xunto coles Islles Cabu Verde, Azores, Madeira ya Xabaces) y ye la rexón española con más llonxitú de costes: 1.583 km.

Hestoria

El 75% de los habitantes de Canaries son d'orixe guanche, pueblu bereber trayíu al Archipiélagu polos fenicios y dempués polos cartaxineses nos sieglos VII y V edC pa que sirviesen d'aida y de sofitu a les sos flotes, na ruta del oru. Los guanches denomaron a la Islla de Gran Canaria "Tamarán". Los romanos supieron de la esistencia de les Islles polos escritos de "Juba II", rei de Mauritania; (fálase d'una espedición nel añu 40 dC a les islles, que foi rellatada polos escritores Plutarcu y "Pliniu el Vieyu". Ésti caberu fai usu del términu "Insulae Cannariae" (del llatín Can, Cannis= "perru"), darréu de l'abondancia de perros qu'habitaben les islles. Esta ye la desplicación de que nel escudu apaezan dos perros ún a cada llau, y tamién de que, a la escontra de lo que la mayor parte de la xente camienta, nun foi que les Islles tomaren el nome del Ave (el canariu, "Serinus canaria"), sinón que foi l'ave el que tomó'l nome de les islles "Cannariae", (d'au ye nativu), y que col tiempu derivó en Canariu.

Ver tamién

• Alternativa Popular Canaria
• Nacionalismu canariu
• Teide

Enllaces esternos

• Tenerife-travels
• La Gomera
• Gran Canaria Net

Mapa de les Islles Canaries

• Wikimedia Commons tien conteníu multimedia tocante a Les Canaries.