Aniellos d'Uranu

Esquema del sistema d'aniellos-satélites d'Uranu. Les línies continues indiquen los aniellos. Les discontinues, les órbites de sos satélites.

Los aniellos d'Uranu son un sistema d'aniellos planetarios qu'arrodien a dichu planeta. Tienen una complexidá entemedia ente los estensos aniellos de Saturnu y los sistemes más cenciellos qu'arredolen a Xúpiter y Neptunu. Foron afayaos el 10 de marzu de 1977 por James L. Elliot, Edward W. Dunham, y Douglas J. Mink. Fai más de 200 años, William Herschel tamién anunció la observación d'aniellos, pero los astrónomos modernos amuésense escéuticos énte'l fechu de que realmente pudiera agüeyalos pol fechu de que son muy escuros y febles. Afayáronse dos aniellos más en 1986 en semeyes tomaes pola sonda espacial Voyager 2, y en 2003–2005 atopáronse dos aniellos más esternos pente medies de semeyes del Telescopiu Espacial Hubble.

Enllaces esternos

• Aniellos d'Uranu por NASA: Esploración del Sistema Solar. n'inglés.
• Datos de la nasa sobre los aniellos d'Uranu n'inglés