Confinamientu magnéticu

El confinamientu magnéticu básase en caltener material n'estáu de plasma dientro d'una botella magnética, que ye un campu magnéticu al que-y dimos una forma determinada pa que les partícules positives o negatives que componen el nuesu plasma quédense dientro de dicha botella.

Esto llógrase gracies a la fuercia de Lorentz, que nos diz qu'una partícula cargada que se mueve dientro d'un campu magnéticu esperimenta una fuercia perpendicular al vector del campu magnéticu y al vector desplazamientu, colo que llogramos que la partícula nun dexe'l campu.

L'estáu de plasma ye un estáu d'agregación de la materia nel que l'aballación térmica ye capaz de vencer l'atracción llétrica que sufren los electrones polos núcleos atómicos.

El confinamientu magnéticu ye útil porque permítenos calentar materia a temperatures u nengún recipiente material pue caltenese n'estáu sólidu.

Esti fenómenu tamién atópase na naturaleza nos nomaos cinchos de Van Allen que nos protexen del vientu solar.