Diferencies ente revisiones de «Tino Casal»

De Wikipedia
Contenido eliminado Contenido añadido
Sin resumen de edición
mSin resumen de edición
Llinia 1: Llinia 1:
'''José Celestino Casal''', más conocíu como '''Tino Casal''', ([[Tudela Veguín]], [[11 de febreru]] de [[1950]]; [[Madrid]], [[22 de setiembre]] de [[1991]] foi un cantante y compositor clave de la [[Movida Madrileña]] de los [[años 80]].
'''José Celestino Casal''', más conocíu como '''Tino Casal''', ([[Tudela Veguín]], [[11 de febreru]] de [[1950]]; [[Madrid]], [[22 de setiembre]] de [[1991]] foi un cantante y compositor clave de la [[Movida Madrileña]] de los [[años 1980]].


== La dómina pre-Neocasal ==
== La dómina pre-Neocasal ==

Revisión a fecha de 15:44 1 ago 2006

José Celestino Casal, más conocíu como Tino Casal, (Tudela Veguín, 11 de febreru de 1950; Madrid, 22 de setiembre de 1991 foi un cantante y compositor clave de la Movida Madrileña de los años 1980.

La dómina pre-Neocasal

Estudiando na Escuela d'Artes y Oficios d'Uviéu, Tino formó con unos amigos un grupu de rock que llamaron «Zafiros Negros». Unos años depués tuvo la oportunidad de ingresar como cantante con «Los Archiduques», grupu punteru del rock asturianu que llograra grabar un discu. Casal foi'l cantante escoyíu pa la so segunda grabación, Lamento de gaitas. Depués el grupu entraría nun tiempu de pasividá y cuando en 1968 editaron el siguiente discu nun tivieron una respuesta afayadiza del mercáu y Tino Casal decide abandonar el grupu.

Dedicóse a estudiar arte y decoración y a viaxar pel extranxero, n'especial Alemaña y Londres, onde se relacionó con delles de les estrelles del naciente Glam, ente ellos Brian Ferry y David Bowie.

Depués d'abandonar a «Los Archiduques», y entamar la so carrera como cantante solista, presentóse al Festival de Benidorm onde coyechó un enorme éxitu na so edición de 1975, pero abandonó esta nueva etapa pa dedicase a la producción porque «queríen llanzame como un cantante melódicu/folkloricu». Dientro d'esta actividá de productor trabayó con grupos como «Goma de Mascar», «Salvajes», «Obús» y «Tacones».

Tamién tentaría de dedicase a la pintura, pero nun algamó ningún ésitu.

Primera mitá de los 80

Finalmente, en 1981 asoleya'l so primer LP en solitario, Neocasal. Esti discu, el primeru de los que fairía en collaboración con Julián Ruiz, contaba con éxitos memorables de la Movida como Champú de Huevo o Billy Boy. Dentro d'esti discu inclúyense tamién dos versiones: ¿Vida en Marte?, versión de Life on Mars? de David Bowie, y Blanca estancia, versión de White Room de Bowie y Pete Brown.

Esti primer trabayu tuvo un éxitu rotundo de públicu, al mesmu tiempu que coyechaba males crítiques.

Dos años más tarde, en 1983, publicaba Etiqueta Negra, discu paradigmáticu del estilu enlloquecíu, plásticu y sensualmente glam rock que caracteriza tola obra de Casal. Esti trabayu incluye unu de los mayores éxitos de la so carrera, Embrujada, y otros grandes cantares como Póker para un perdedor y Los pájaros. Etiqueta negra foi de nuevo un éxitu de ventes.

Existe una reedición d'Etiqueta negra col cantar Tigre Bengalí, sacada de la banda sonora de la película Sal Gorda de Fernando Trueba.

El siguiente discu, de 1984, ye Hielo Rojo. L'estribillu d'unu de los cantares incluyíosos nesti discu, Pánico en el edén, serviría como banda sonora oficial pa la TVE de la Vuelta Ciclista a España.

Posteriormente a la publicación d'esti discu, nel veranu de 1985, Tino Casal sufre un esguince de tobillu nun conciertu na sala Pachá de Valencia, en plena xira. Desoyendo los encamientos de los médicos que lu atienden, Tino sigue de xira durante dos meses, hasta que tien que ser hospitalizáu al borde de la muerte por mor d'una necrosis.

Durante la so estancia en vixilancia intensiva, los médicos que lu traten lleguen a sospechar que l'artista tien SIDA, dada la gravedá de la so infección.

El regresu

Depués de la enfermedá, el cantante permanez desaparecíu de la escena musical hasta 1987, añu nel qu'asoleya'l que pa munchos constituye'l so meyor álbum, Lágrimas de cocodrilo. Nesti discu inclúyese'l so mayor ésitu, Eloise, tema grabáu nos estudios Abbey Road de Londres, cola collaboración de la London Philarmonic Orchestra, baxo la dirección d'Andrew Powell (arreglista collaborador d'Alan Parsons Project). Esti tema ye una versión remota d'un cantar de Barry Ryan, que'l propiu Casal ya versioneara na so primer dómina con «Los Archiduques».

Histeria, asoleyáu en 1990, supón l'últimu discu de la so carrera. Nun foi un ésitu rotundu como Lágrimas de cocodrilo o Hielo Rojo, pero ye un trabayu dignu. Destaquen nesti discu dos versiones Tal como soy, versión de Killing me softly with this song de Roberta Flack y No fuimos héroes, versión de Don´t you want me de Human League.

Muerte y obres póstumes

Un añu depués, en setiembre de 1991, Tino Casal regresa de madrugada d'una fiesta na discoteca Ática, pela carretera M-501 (n'Aravaca, Madrid). Al tomar una curva d'esta carretera con escesu de velocidá, pierde'l control del coche y estréllase contra una de les faroles que bordeen esta carretera. Tino Casal y los sos acompañantes resulten muertos como consecuencia del tremendu golpe.

Esi mesmu añu asoléyase una recopilación de los sos mayores ésitos, tituláu Grandes éxitos (Etiqueta negra). Esti discu, nel que Casal taba trabayando nel momentu de la so muerte, foi publicáu de manera póstuma.

Existe una posterior recopilación de grandes ésitos, que data del añu 2000, col títulu de Casal Vive.

Discografía

Lp's

  1. Neocasal (1981)
  2. Etiqueta negra (1983)
  3. Hielo rojo (1984)
  4. Lágrimas de cocodrilo (1987)
  5. Histeria (1990)
  6. Grandes Éxitos (Etiqueta negra) (1991)
  7. Casal vive (2000)