Diferencies ente revisiones de «Luis Fernández López»

De Wikipedia
Contenido eliminado Contenido añadido
Sin resumen de edición
MerlIwBot (alderique | contribuciones)
m Robó Añadíu: tr:Luis Fernández
Llinia 23: Llinia 23:
[[es:Luis Fernández López]]
[[es:Luis Fernández López]]
[[fr:Luis Fernández]]
[[fr:Luis Fernández]]
[[tr:Luis Fernández]]

Revisión a fecha de 00:29 7 xnt 2011

Luís Fernández López (Uviéu, 29 d'abril de 1900 - París, 25 d'ochobre de 1973), foi un pintor asturianu.

Fíu del logroñés Enrique Fernández, catedráticu de la Universidá d'Uviéu. Güérfanu primero de madre y depués de padre, en 1909 él y los sos hermanos treslládense a vivir a Madrid con so güelu maternu, que morrerá poco depués, separtándose los hermanos y diendo él a vivir a Barcelona con so tíu maternu. Ésti va facelu abandonar los estudios, entrando como aprendiz nuna xoyería de les Rambles. En 1912 matricúlase nel turnu nocturnu de la Escuela de Belles Artes de Barcelona, la Llotja, mientres sigue desempeñando diferentes oficios pa pagase los estudios.

Depués de finalizar los sos estudios treslládase en 1924 a París, onde entra en contactu col movimientu artísticu de Montparnasse mientres se gana la vida trabayando nuna imprenta. Allí conoz a artistes como Brancusi, Braque, Ozenfant... Tamién entra en contactu col escultor Julio González Pellicer, tamién español. Nésti ambiente entrará en contactu sucesivamente col Purismu, deriváu del Cubismu, y col Neoplasticismu, a los que seguirá más sero'l Surrealismu. A partir de 1933 dedícase esclusivamente a la pintura. Entama una relación d'amistá con Picasso, col que collabora en diferentes proyectos y que tendrá una gran influencia nuna etapa de la so obra.

La obra de Fernández dirá evolucionando de forma progresiva hacia un mundu personal y herméticu. El so trabayu vien marcáu por una manera de trabayar lenta y analítica, na que s'analiza non sólo la forma, sinón tamién l'espíritu del oxetu y nel que cada pincelada atópase fondamente meditada. La so escasa producción y la mala suerte colos marchantes fadrán qu'a lo llargo de tola so carrera viva al marxe del éxitu económicu que tienen otros artistes de la so xeneración.

Nos sos últimos años la so obra ye recuperada pola crítica, realizándose en 1972 una esposición antolóxica entamada pol Centru Nacional d'Arte Contemporaneu francés en París. Por más qu'esta muestra nun llegará a vese n'España, circunstancia que-y resulta especialmente dolorosa al pintor. Morrió'l 25 d'ochobre de 1973 en París, siendo enterráu, por deséu propiu, en Cantenac, localidá próxima a Burdeos, xunto a Esther, la so primer muyer.

La mayor parte de la so obra consérvase na Colección d'Arte de Telefónica y nel Muséu de Belles Artes d'Asturies.

Bibliografía

  • Louis Fernández, catalogu de la esposición del Centre National d'Art Contemporain (CNAC), Paris, 28 d'abril - 6 de mayu de 1972.
  • Claude Esteban, Luis Fernández et la réalité intérieure, in C. Esteban, Traces, figures, traversées : essais sur la peinture contemporaine, Galilée, 1985.
  • Luis Fernández, catalogu de la esposición de la Fundación Arte y Tecnología, Palacete del Embarcadero, Santander, setiembre de1993.