Feminismu

Llogotipu au s'entemez un símbolu feminista col puñu n'altu contestatariu.

El feminismu ye un conxuntu de teoríes sociales y polítiques n'abierta crítica de rellaciones sociales hestóriques, pasaes y presentes, motivaes principalmente pola esperiencia femenina. En xeneral, los feminismos faen una crítica a la desigualdá social ente muyeres y homes, y proclamen la promoción de los drechos de les muyeres. Les teoríes feministes, custionen la rellación ente sexu, sexualidá y el poder social, políticu y económicu.

Pesie a que munches persones llíderes feministes foren muyeres, non toes les muyeres son feministes y non toes les persones feministes son muyeres. Dalgunes feministes consideren que los homes nun tendríen d'algamar posiciones dientru del movimientu, pero la mayoría aceuten el sofitu de los varones.

El feminismu como movimientu social foi vistu como un movimientu de les sociedaes occidentales nel sieglu XX. Nun s'alcuentra asociáu a nengún grupu, práutica o eventu hestóricu en particular. Créase a partir de la conciencia acerque de les desigualdaes causaes polos sexos y de la gueta de la xusticia social. Esisten delles menes de feminismu, como teoría, como práutica, como conciencia, como movimientu social internacional, nacional, y llocal.

En xeneral, los grandes llogros de los feminismos foren visibilizar a les muyeres como seres humanos.

Bibliografía

• Gloria Solé Romeo, Hestoria del feminismu (sieglos XIX y XX), 1995, ISBN 978-84-313-1358-6 (castellán)

Enlaces externos

• Wikimedia Commons tien conteníu multimedia tocante a Feminismu.
• Portal consagráu al Feminismu (castellán)
• Guía Chicas Verdes. (castellán)